طلعت الغاط

	المشاركة الأصلية كتبت بواسطة خالد الحصني

	مريت في دربي على طلعت الغاط = ولقيت لي تجار تنفض شنطها تحيزمو للعود والعود خطاط = طش الحصا بترابها ثم خلطها عودٍ عليه من الزمن عدة انواط = مر بتجاريب الزمان وزرطها شيب مداه وعن مدا الشيب ما حتاط = سود اليالي واجهته بحمطها اهتال في وقته وسواله نقاط = وعلى شواخص شوف عرفه قرطها ابعد مغازيها على كل هلاط = جابه سبب مدري الغيره سفطها ارفق بها ليفه وعيدان شخاط = وركب على كور الذلول وخبطها ابطت ولاحد في تفاصيلها حاط = ومرت نقاط ولا ذكر من ضبطها الا مداغيش على حسها نشاط = نادتلهم في غيبة من وسطها وتفازعوا ما بين وارد وقراط =احد سنح دعواه واحد شحطها فيهم عقيد حقها منه مخباط = ثنى لها العقده وعاد ونشطها جاته شمطريها من انفاسها عاط = وعادة لراعيها عقب ما بسطها وتمازحوا فيها شهيرين الا وساط =والكل منهم قلت هذا بلطها ما همهم شخط على وادي رهاط = ربيعهم ورى مكان مهبطها ناس على ما قيل ما تاخذ اقساط = تشره وشرهتها على من لسطها تمكنت يوم اكملت كل الاشراط = وشبعة عوانيها وشبعت قططها والي برجله من على الجمر ما ياط = ضني تركها خايف من غلطها ما بان له على الميادين مهباط =ابطت حروفه خاليه من نقطها خابر وراهم واحد يعطي سياط = يا دوبحة فيه الغوارب محطها يزعل على ناس تماري با الاحباط = وتبي تمشي با العباطه عبطها والعرف له بين الرياجيل مقلاط = تاسع ميادينه ولحد فقطها ناس على الجاري وناس بنقاط = وناس تسمى به ومر وسفطها من قال انا مالك نواميه خراط =خراط من غاص البحورو شفطها هذي علوم الي هدفها تمغاط= الي صحى لعلومها لا يغبطها

الله الله الله

الاخ العزيز

والشاعر الكبير

خالد الحصني


صح لسااانك الف مليار يابو موسى

ولاتكفي على هذه القصيده المتميزه والجزله والتي

مازلت احتفظ بها صوتيه في جوالي لأعجابي بها وبمعانيها فلله درك

ياخالد ودمت للابداع واهله وانت بالف خير

صح لسااانك مره اخرى


وتقبل تقديري الدائم لك