( الشّر بعض الناس تقرع له طبول=واليا وصلها شرّ ماتستحمله )

/
/
/
/
/
/
/
/
/
/
/
/
/
/
/
/

بعض المشاكل عسره وصعبة حلول=نكده ولاتنحلّ غير بمشكله
في حلّها راع العقل صابه ذهول=وايضيّع المخراج من درب ادخله
واليا نوى ينخيهم اكبار العقول=اللي لهم بالنّاس قدر ومنزله
شالوا وحطّوا والحمول اهيا الحمول=وكل مالها والمشكله مستفحله
ولو قصّروا في حبلها يرجع يطول=كلّه عقد بوّله يالين اسفله
وجاهيّة ٍ تبذل ولا فيها قبول=مادامها مدّة بخيل ٍ مخجله
بالفعل فارق مايوفّي بالكمول=ابخيل غير القرش صعب ايحلحله
وكم طلعة ٍ لاجالها رجل ٍ عجول=لاشاف طول علوّها يستسهله
الفرق بيّن فالطّلوع وفالنّزول=كم راقي ٍ له ضلع يصعب ينزله
وياسوق راشد ماتقارن بالبلول=واللي بغاله منك شي ايحصله
وآقول ياهل الخير عدّال الميول=كلمه عليّ محسوبة ٍ ومسجّله
الشّر بعض الناس تقرع له طبول=واليا وصلها شرّ ماتستحمله
والظّلم مايعمله ياغير الجهول=بينه وبين الخير مانلقى صله
راعيه لو له عقل محسوب امهبول=مايهمله ربّه لو انّه يمهله
هذا كلام امن آمن بربّ الرسول=الهاشميّ اللي لخلقه مرسله
واللي مجرّب صدّق اللي له نقول=واللي يكذّبني ماجرّب معضله
رايق وفي دنياه محفول امكفول=مذهول عقله في دعاية مذهله

الشاعر / خالد بن عبيد بن معتوق ألأحمدي