يانجز بعد الناس صدوا

	المشاركة الأصلية كتبت بواسطة حسين مريع العبيدي

	[ poem=font=",7,white,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] يانجر ياللي للتراحيب ضروك = مدك يجي للضيف في كل ساعة قبل القرا للضيف يانجر بدوك= انت المبدا والشحم لك تباعة يانجر لامن الخطاطير سمعوك= ارهو على بيت الوفا والسباعة يانجر ياللي للمناداة دقوك = لابان صوتك لم كل الجماعة يانجر فالمجلس هل الجود حطوك = ما حلاك في بيت الكرم والشجاعة يانجر يوم ان الرجاجيل عزوك= الليل كله ماتعرف الهجاعة باغلى ثمن يانجر تعبوا وجابوك= لوكان تلحقهم بخوص ومجاعة يانجر يوم الناس فالبيت رزوك= واللي صنع وانشاك وقت الصناعة يانجر هم للبن والهيل ربوك = في غيرها يانجر مالك طماعة واليوم ذا يانجر منسي ومتروك= واين انت عن مجلس منفح شراعه يانجر ليش اهل المروات خلوك= وين المعاني وين ذيك الولاعة اليوم عن ذيك الدهاليز دسوك = للنجر والمحماس جات انقطاعة يانجر قلي واين الاجواد ودوك=وانت في دق البن عندك براعة يانجر بالله من ردى يوم خلوك = واللا رجال الكيف جتهم قناعة للدلة الرسلان جاا بن مشكوك = في مصدره مدري من اية بضاعة مطحون ومحرق وفالكيس مدكوك= له وقت جاهز في محل البياعة ماهو بحمس مصلح الكيف مبروك=اللي لدق النجر طالت ذراعه يانجر بعد الناس صدوا وكفوك= والزين من خلاك مثل الوداعة اليوم نشرب بن منهي ومهلوك = والياشربنا منه شفنا الوجاعة [/poem ]

شيخ قبائل وقرى ابيي ضباع والشاعر المتمكن ذو المستوى الراقي والفارق والمميز


صح لسانك مدد بلا عدد ومناجاة نجر الشاذلية والاصاله والبداوة الاصيلة تستاهل انا نقولك بيض الله وجهك ونصفق لك وهذه الابيات تعكس مدى اصالتك وسمو اطبوعك وجزالتك وعلو شان النجر عند اهل الجود والبداوة شرواك
اقول ... نومستني بهذه القصيده من النوع الفريد وذكرتني بيت جدي نايف بن عايض بن جويبر رحمه الله حينما قال
أفرح ليا ساروا لي الربـع بقبـال=وأليا لفوني خاطـري يشرحونـه
علـى دلالٍ زادهـا البـن عمـال=ونجـرٍ ندنّـه كلهـم يسمعـونـه
يازين مجلسهم على شرحة البـال=واللي ثقيـلٍ خاطـره يسمحونـه



لاهنت ياشاعرنا وهذا الشعر اللي ينومس ولاغير