البعد شين

	المشاركة الأصلية كتبت بواسطة القناصه

	البعد شين وطاري البعد تهليك =يلعن ابو جدن عليه ارغموني ناس(ن) خلقها الله سواة الصعاليك =لو العمر بيدينهم ماعطوني يااقرب من الشريان في قلب مغليك =حال القدر من دون زولك ودوني غلطة عمر واصبحت فيها لنا اشريك =سبحان منهو ابعدك عن عيوني ادعيه ربي بآخر الليل يحميك =واشكي عليه اللي يزايد طعوني نفسي اشوفك دامك اصغير وآبيك =ودي اشيلك فوق عالي متوني وودي تناديني يايمه والبيك =آمر تدلل وكل شيء(ن) يهوني ودي يطول الليل وآنا احاجيك =ياما سهرت ايام قبل احرموني تكبر يغالي وتاخذ الحق بيديك =وتزورني قبل الكفن يلبسوني ماكان ودي والله اني اخليك =مير القدر حال دونك ودوني مواساه ليس إلآ القناصه 1433\1\24

صح السانك ياالقناصه ابيات معبّره ومؤثّره جدّاً الله يعينك
دمتي بخير وسعاده

	المشاركة الأصلية كتبت بواسطة مساعد الجليدي

	صح السانك ياالقناصه ابيات معبّره ومؤثّره جدّاً الله يعينك دمتي بخير وسعاده

صح بدنك يالجليدي
يشرفني مرورك الكريم
لآهنت
تقديري