ارجوك لاتذكركرهناك يازين

ارجوك لا تذكر كرهناك يا زين=وانقلتها قلبى عليه الحسوفه
يتبع هواك اليوم له صار عامين=حتى بدم القلب حنا كفوفه
لا وين زاد الصبر لا وين لا وين=منتي على طيب الملاقا شغوفه
القلب يرجف والدمع حرق العين=واضحى خيالك كل لحظه نشوفه
اقرب لكم تبعد عن الباع باعين =كلمة نحبك من لغاك امحذوفه
لا قلت لك نلقاك بعدين بعدين=قلبك حجر لجل ايش منتي عطوفه
من بعدها زادت على النار نارين=الخيل تصهل والمطايا معسوفه
نبغى نفارق ديرتك والوعد دين=نسعى وللبيت المحرم نطوفه
=رد محمد بن شعوي
يا مرحبا باللى لفانا بالاثنين=بالشاعر اللى قام يشكى ضروفه
لقيت فى معناه كل البراهين=هاجت شجونى والوتار معزوفه
شكيت دمعٍ حرق القلب والعين=ندعى عسى صاحبك فيه المروفه
=ثم رديت قائلاً
يا مرحبا باللى لفى القلب هالحين=كلام سكر عذب محدٍ يعوفه
يا محمد الشعوي تمكنت تمكين=من جرحى اللى ذابحاته زروفه
جانى امل طمن لى القلب تطمين =ابعدت عن قلب العنا كل خوفه
شيهانةٍ تسكن بروس الشياهين=مجهول الاسم وغامضاتٍ حروفه

\\\\\\\\\\\\\\\\تراه قديم\\\\\\\\

صحت السنتكم وبيض الله وجيهكم

صحت الألسن

لكم مني اعذب التحايا

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

الى احباب القلب بخيتان وسرورورابح لاحرمت من هذه الوجيه الكريمه دمتم احباب

ياسلاااااااام عليكم ابدعتم
صحت اللاسن وبيض الله وجيهكم

قديمه يابو انور حتى مانقول القلب خضر
مبددددددددددددددددددع
لاعدمناك
اجمل التحايا واعذبها

اخى ابونواف اشكرك محب دائما دمت

صحت السنتكم وبيض الله وجيهكم

اخى وليف الشوق حياك وبياك ياغالى نورت المتصفح واثلجت الصدور

صح السانك أخوي,,,,,,,,,,
قمة فالمعنى,,,,,,,,,,,,,
,,,,,,,,,,,,,,,,,,,,,,,,,