هل تعلم أن الشعر من بعدك لقا مصرعه

صياف الحربي=
الليل مبروك والمبـروك يمشـي معـه = لاكن بعض الليال السـود مـا تنمشـي
اثر المنادي مع الصجـه محـد يسمعـه = ليت المخايل تلوح ابروقها مـن عشـي

رشيد الزلامي=
الليـل مبـروك والبابـور مـايدفعـه = يا كود رجال مـا يرشـي ولا يرتشـي
يالـي تغيبـت وانـت رابـع الاربعـه = والخامس الي عليك من الزعل محتشـي

صياف الحربي=
با بور الاتراك لو كلـن مشـىفسنعـه = ما ستوي ليـن نقـاش الحجـر ينقشـي
الاربعه شالـو الكرتـون مـن مصنعـه = مافيـه والخبـل والاصـم والاطرشـي

رشيد الزلامي=
من صبح ابرحل عن اهل الغاط والمجمعه = ياصاحب قريش مدام الرسـولاقرشـي
الباب خربـان والصنـدوق لـه قربعـه = والقوم ما غير كوري واعجمي واحبشي

صياف الحربي=
انا اعرف انك في كل بلاد لك مزرعـه = ما غير تلعب مع العربان لعـب الحشـي
ان كان ضرسـك مواذيبـك نبـا نقلعـه = واضن الاسباب من دكتورك المجرشـي

رشيد الزلامي=
هل تعلم ان الشعر بعدك لقـا مصرعـه = شرب حليب المراعي لين طاح امغشـي
من ذاق طعم العسل لو فوق راس اصبعه = يطلب وجسمـه بريـح العافيـه منتشـي

صياف الحربي=
سبحـان ربـن هـذا ينـزل وذا يرفعـه = اصبر شويه يجيك الشاعـر المرعشـي