محاورة بين صياف وعبدالله عتقان

عـبــدالله بـــن عـتـقــان =
سلامي على اللي شرفوا حفلة الاستاد=فهد راعي الوقفات والمذهب الوافـي
تقابلت مع صياف صدفه بلا ميعـاد=وأنا بنتهزها وأخذ أخبـار صيافـي
صــيـــاف الـسـحـيـمـي =
هلا مرحبا مليون يالطرقـي النشـاد=ياراع العلوم البيض والمنهج الصافي
تقابلت مع صياف كنك ولـد عـواد=تبا تقضي المشوار وتروح متعافـي
عـبــدالله بـــن عـتـقــان =
بعد قاعدوك الربع ياريـس الأفـراد=أخير إلك تال الوقت تسعى وتطافـي
ولو مت في شعبان وألا بشهر جمـاد=ترى يفرح العتبان موتك والأشرافي
صــيـــاف الـسـحـيـمـي =
الا واخسارة من ركبها بغير إشـداد=تحول به الغبـه ولا عـاد ينشافـي
أنا معتبرها هرجـه ودلـه وبـراد=ولا اسري ظلام الليل بالمشعل الطافي
عـبــدالله بـــن عـتـقــان =
ألا واخسارة قل صيـاف مايـزداد=أشوفه يقدمها على أرباع وأنصافـي
إذا ثوب اللي لابسه يالسحيمـي بـاد=على البنك ماتصلح ياصياف صرافي
صــيـــاف الـسـحـيـمـي =
بلش في قرون الثور عنتر ولد شـداد=يواذيـه قعـادي ويوذيـه وقـافـي
بدف العرب من قدم وأدفهم من غـاد=وكلٍ يـدور قبـره البـارد الدافـي
عـبــدالله بـــن عـتـقــان =
أشوفك نويت الشر ياطاغيـة بغـداد=ياكافي من اللي يبعث الشـر ياكافـي
تهرج وسولف ياجوديٍ من الأجـواد=وانا يالسحيمي منك ماضاق محرافي
صــيـــاف الـسـحـيـمـي =
ثلاثين بندق ثوروها بـدون أزنـاد=وأنا جيتهم دكتور مير المرض خافي
تراني بسولف معك لجل الملح والزاد=لعلك يأبن عتقـان رجـال وسنافـي