محاوره بين صياف الحربي ومطلق الثبيتي رحمه الله

ابا افزع واطب المعركه عقب قر الهوش=وابا اضرب بسيفي فارس القوم صيافي
وابا اخذ حصانه ثم اقفل عليه الحوش=ولاعاد نسمع فالبلد صوته الخافي
ياطيبك ليا حولت فالمنزل المفروش=وعند العلوم الثانيه كيف تنشافي
تعين لواحد تقدره ثم حوشه حوش=وكسر حسابك ثم يطلع لك الصافي
لقيتك صلاة العصر بين العرب مربوش = عسى يالسحيمي ماحصل شر واخلافي
يامكبر جيوب في طرف ثوبك المنقوش=ولكن مافيها يقع شب واصرافي
بلشنا بلشنا في طيور بغير عشوش=على راس شجره تحتها يسفي السافي
تطالع في جيبي وانت وسط البلد حنتوش=وترسل على الجمه ثلاثين مغرافي
عصيفير مدري بالمخاليب ويش ينوش=ولاني لريشك يالعصيفير نتافي
تبى لك صبية راسها بالعطر مرشوش=ورجل قليل المرجله لزم ينعافي
تعديت حد العلم يالطالب المدهوش=وثوبك ليا حد الركب والقدم حافي
وانا عارف انك ساحر وتعمل الدنبوش=ويمناك بس الثوب من فوقها ضافي
لك الله مأكل من زادك المغشوش=غناوي وفالايام طيب ومتعافي
انا لو ابيعك ماسويت الك خمس قروش=ولكن باقسمك لارباع وانصافي
تبى تلعب الكوره ورجلك بغير عروش=لكن اصبر لبكره ويلفي لك اللافي
ليا بعت بيع اللي تحصل بها عرموش=انا سم ساعه منه تختل وتخافي
انا مارجيت الخير من حبك المدشوش=دخيلك تدسه في طرف حجرك الدافي
ابا اولع الكبريت في قطنك المنفوش=بعدها يجي للناس لجه وغطرافي
ضحكنا لعلوشه وجابت لنا علوش=ولاادري بقت لثبيت والا للاشرافي
بغينا ندور لك رحاتك ودارت بوش=وسريتنا بالليل بسراجك الطافي
ياراع الحلق والخف والودع والقرقوش=تكسر لنا صوت كما صوت الاسعافي
تطير الطيور ويقعد الطير ابو طربوش=يدور سباع الصبح يسعى ويطافي

بيض الله وجهك على الملعبه الرائعه

والله يعطيك العافيه على المجهود الكبير

اتمنالك التوفق

اخيك ابوروان

الاخ راعي البل

ماقصرت يالغالي

بيض الله وجهك

تحياتي
الصـ الجارح ـقر

يعطيك الف عافيه اخي راعي البل

مشكور وماقصرت على النقل الجميل

تحياتي وتقديري
عاشق بريده

شكرا لك اخي


على المشاركه الرائعه


دمتم بخير

الاخ راعي البل

الله يعطيك العافيه

محاوره رائعه

مشكور ماقصرت يالغالي

تقبل تحياتي

تسسسسسسسسسسسسلم أخوي الغالي

و صح لسان الشاعرين

يعطيك العافيه اخي راعي البل

وبارك الله فيك على المجهود الكبير

اخوك
سلطان

الاخ راعي البل

ماقصرت يالغالي

بيض الله وجهك