لو غاب عن عيني عن القلب ماغاب

الصاحب اللي كل ماجيت ابى انساه=ماطاعني قلبٍ عن الحب ماتاب
يصعب علي انساه والا اتناساه=لو غاب عن عيني عن القلب ماغاب
الصاحب اللي ولع القلب واشقاه=واقفا وخلاني بلا ذنب واسباب
مافيه يوم يمر ماتمر ذكراه=واشغلت فكري فيه واتعبت الاعصاب
يبدي لي اعجابه ويبدي لي ارضاه=وانا بعد ابتيت له كل الاعجاب
لامبعدٍ عني لاجل مااترجاه=ولافاتحٍ بابٍ ولاقافلٍ باب
قلبي تولع فيه وازريت لاانهاه=ضحى علشانه بغالين واحباب
هذا الحبيب اللي معه داه ودواه=وقسى عليه ولاحسب للهوى حساب
استيسره واصبح من اكبر ضحاياه=يالله تفك الاسر يارب الارباب

الشاعر القدير
نداء الغيداني
صح لسانك
شاعر حظورك مميز
يابو سامي تحياتي وتقديري

صح لسانك
ابيات غزليه رايعه الله يعطيك العافيه

اخوي القدير والشاعر المميز .نداءالغيداني
صح لسانك على ابداعك الغير متناهي تعودنا
منك يابوسامي جزل المعاني واعذب الاشعار
وهذي هي الحقيقه يااستاذي
وانشألله ابداع متواصل لاينقطع

اجمل التحاياواجل التقدير لك يابوسامي

الشاعر القدير
نداء الغيداني
صح لسانك
,وجهك ابيض

وشكرا لك على الحضور المميز

الله الله عليك يابو سامي

صح لسانك

صح لسانك يابو سامي
قصيده جدا رائعه
داام لنا تميزك
احترااامي

صح السانك وبيض الله وجهك

الله الله الله

رائع يابو سامي

قلبك خضر ودربك خضر

وقصيده رائعه وفيها من الأحساس الشي الكثير

لاهنت على هذا الحضور الراقي

الله الله يابو سامي

صح لسانك مدد بلا عدد

الله يلوم اللي يلومك والغياب موت بطيء

قلبك خضر وان شالله دربك خضر

صح صح صح لسانك اخوي نداء