محمد الربيقي و فهد العازمي

هذه المحاورة بين الشاعرين:

محمد عبيد الربيقي الحربي و /فهد نعيم العازمي العتيبي..

محمد الربيقي:

العوازم فالبلاد أصحابنا مدة طويله=بيننا جيرة وعلمٍ غير من ماض الليالي
يافهد جاء لك مجال و صوت من عقب الكحيله=وأنت غالي والمجال اللي نسولف عنه غالي

فهد العازمي:

العوازم فالبلاد و من رجال و من قبيله=وانت بالنسبة لنا يالحربي الصف الموالي
يا محمد ما رضيت ولا رضيتوا بالقليله=والصعيب يصير بالمشعاب ولاّ بالريالي

محمد الربيقي:

المجال اللي نسولف عنه هذا أكبر دليله=كل ماهبّ الهواء حيد الغصون الخضر مالي
ياأهل البيت الجنوبي والقصور المستطيلة=اعرفوا نطق الكلام وميزوا وسم الجمالي

فهد العازمي:

أنت غنيت إلك ليلة و اختصرت ألفين ليلة=ولاّ انا وقتي مشيب عارضي ياهملالي
بارك الله فالعميل اللي عرف قيمة عميلة=والجواب يجيك يا محمد على قد السؤالي

محمد الربيقي:

أنت أظنّك ياعميلي شاعرٍ ما فيك حيلة=شفت ضوح البرق قلت البرق أظنّه بالشمالي
البعير أليا برك للحمل لابده يشيله=وإن عجز قلنا حلال يروح من ضمن الحلالي

فهد العازمي:

الرجال يغامرون ويصنعون المستحيلة=مادرينا عن هذاك البرق لين السيل سالي
مانقول العولمة حاجة على الدنيا دخيلة=الغريب الناس يا محمد دخل فيها الخبالي

محمد الربيقي:

صاحبي توه صحى و أحتاج شربة من صميلة=ما درى إن الماء قضى واللي بقاء ماهو بحالي
ربما تلقى وسيلة كان باقٍ لك وسيلة=و إن غدت يمكن تذكرها ليا هلّ الهلالي

فهد العازمي:

عارفين الحمل الأيمن مار مدري وش عديلة=يالحروب اللي تحطون الخفاف مع الثقالي

لاهنت اخي حميدان

وكل التوفيق لابوعبيد الله يعافيه

ولا يهون العازمي

تحياتي

¨°o.O ( ×××××××) O.o°¨

الله يـعـطـيـك الـعـافيـــــــــــة على الاخـــتيار المــوفــق
وصحت السنتهم
بيض الله وجهك

لاهنت اخي حميدان

وكل التوفيق لشاعرنا محمد الربيقي شاعر معروف

ولا يهون العازمي

تحياتي

لا هنت اخوي حميدان و بالتوفيق لشاعرنا محمد الربيقي

صحت السنت الشعارا وشكرا لك اخي بوناصر
واهذي منقوله توضع في مكانها الصحيح باالمنقولات وهذا مايخفا عليك نضام الملتقى حرب او ي منتدا حسب القوانين

	المشاركة الأصلية كتبت بواسطة غازي الزغيبي

	صحت السنت الشعارا وشكرا لك اخي بوناصر واهذي منقوله توضع في مكانها الصحيح باالمنقولات وهذا مايخفا عليك نضام الملتقى حرب او ي منتدا حسب القوانين

ياهلا ياهلا فيك يابو طلال

تم نقلها لملتقى الشاعر/ محمد الربيقي
و القصد من وضعها في ملتقى المحاورة و الردية هو للأطلاع عليها من قبل جميع الزوار

شكرا

العـوازم فالبـلاد أصحابنـا مـدة طويـلـه= بيننا جيرة وعلمٍ غيـر مـن مـاض الليالـي
يافهد جاء لك مجال و صوت من عقب الكحيله=وأنت غالي والمجال اللي نسولف عنه غالـي


و الله انه داااااااااااااهية هالربيقي صح لسان الشاعرين و مشكور على النقل

يسلمووو ع الاختيار المتميز