ديوان الشاعر علي عبيد الحصني

يامدير المدرسه وقت الدراسه=الحقيقه رحت عنه وراح عني
الهدف ماهو بعلم ولاسياسه= افتح اذنك و الصحيح يجيك مني
خذ كلام الطالب الي شاب راسه = ما درس في مدرسة هن بن هني
يا مدير الوقت فارسني افراسه =والتجارب قبل درسك درسني
مادرسنا ها على كرسي وماسه =سامعين الدرس من راس المسني
ونت من ساسك وعز البيت ساسه=وفيك ياراع الوفا ما خاب ضني
وكانها صارت مثل راع العساسه=كل شين راح مني ما غبني
يو م غبنا عنك مقصدنا الوناسه= مع رجالن كيفهم هيلان وبني
ان قبلت العذر فصلنا لباسه = ون رفضت العذر ماني بمتعني
وكان راسك ماتنازل عن يباسه= دوك كتبك كلها لاتمتحني