ياهل الملعبه/ سعدالمحمدي وينه

ابوخالد الفريدي=
سلامي سلام اخومسير على الاخوان =تحية وفا تضفي على كامل اصحابي
انا ياسعد سيرت يمك وانا زعلان =ادور البلادولامعي غير مشعابي
سعد المحمدي=
هلا يالمسير وانت راعي محل وشان= تفضل على حلو أنبا والف ترحابي
عسى ماعليك أخلاف بالوقت ياسرحان= ياراع الوفاء عطنا السبب وفتح البابي
ابوخالد الفريدي=
انا لوفتحت الباب عاقبني الساطان =جميع الديون مسجلات على حسابي
وانا ياوسيع المعرفه صاير نيشان=اجاهد بدار ما بها غير طلابي
فتى تبوك=
انا خابرك تاكل على الضرس والنيبان= تصبح عقيد القوم ياعلي ماتهابي
عسى الله يخارج من زومن شيخ الرعيان=ترى الدار حول الدار من عدة اسبابي
ابوخالد الفريدي=
انا ماعلي خلاف بس الرجل ينهان= ليا قام يمشي مع مهوي وكذابي
وانا شايف ما صار للعم بن دومان= علوم لياحللتها بازت اعصابي
فتى تبوك=
ياعلي الذهب غالي ويرجح به الميزان= وانا مثلكم ماحب خداع ومرابي
خطاء ربعنا اللي عودو ياعلي عدوان= تساوي بعيد الشوح في بعض الاذنابي
ابوخالد الفريدي=
توكل على الله قبل مايحط فيك اعنان=وليا شفت لك ديبان لاترحم الدابي
ولاترتخي لفلان ولاتسب فلان =قبل ما يحطونك على ظهر قلابي
فتى تبوك=
انا الفارس اللي لانطح سربة الفرسان= يخضب نصاب السيف من دم الارقابي
بعيد المغازي يالفريدي فصيح ألسان= دمي الحباري شوفها فوق مخلابي
ابوخالد الفريدي=
فدتك المشاكل والمشاكل لها عنوان=ولكن تجنب يارجل بعض الانشابي
اعرفك طويل اذراع قطاع يا كحيلان =لكن انتبه لاتسمع الهرج من هابي
فتى تبوك=
فدوك الرخوم مدوره غرة الجيران= وانا دون حقي ماتخثع بالاطنابي
ترى ماعليكم زود جاب الحصان أحصان= مع الدرب الامثل لكن الوقت غلابي

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم