ديوان الشاعر غازي بن مغيران الزغيبي

ياحلـوم الليـل مـري بالعنـود=كود قلبي يرجهن مـن الصـواب
صابني رمح الهواء بين العضود=من يدين الفارس اللـي مايهـاب
اشهداً الحب هـو سـم الكبـود=واشهداًالحـب بالدنيـا عــذاب
مـن تعافـا يحمـد الله يافهـود=لا يحسبن الهواء كشتـة شبـاب
في ربيعـاً كاسيـن كـل النفـود=والجلد كاسـي محيـره والتبـاب
ومن صـدوق النوهمـال يقـود=ماخذا عنه المطر خمس الوجـاب
الهـوا راعيـه لونـه جـحـود=لا هجسله هاجساً شـق الثيـاب
قلتهـا متـجـددا فــي اللهود=ردني من عقب ماطـار الغـراب
في حداد اللي كما سيف السعـود=مانفعنـي لـو تمسـكـت الاداب
ياشبيه الريـم يالحـذر الشـرود=ياشبيه البدر مكملـت الحسـاب
الهـواء مايندعيـبـه لليـهـود=مـاوراه الا المشاكـل والعتـاب
كان ماء رديتلـي زرت اللحـود=كل فاعل خيـر يجـزا بالثـواب
وكل جرح من الهواء شره يزود=منت خايف من دعـاةٍٍ تستجـاب
كل نعمه فيهـا رعيهـا محسـود=اشهدنك معجـزة تلـع الرقـاب
انت ضابـط والعـذارا كالجنـود=بالجمال اليوسفي حكـم الغيـاب
انت شوق اللي له المنصب ياسود=من سلال الفيصلي عرب النساب
منتي اللي جوزت لو كـان عـود=او بغيضاً قبلها كـم طـق بـاب [/poem]