ابو سميره مطلوب بالخفاره المشدده

وينك يابوسميره طال الغياب

بيض الله وجيهكم شعار كبار متمكنين عاشوووووووووو

	المشاركة الأصلية كتبت بواسطة سعد المحمدي

	وينك يابوسميره طال الغياب

ابو تركي انت طلبت ابو سميرة للخفارة المشددة والظاهر ان الرجال هالحين بالزنزانة تحت المراقبة المشددة لكن ابو سميرة ذيب يطلع مع كل باب :)

صحة السنتكم شعراء كبااااااااار بمعنى الكلمة

لاعدمتكم

صح الله السنتكم ابو تركي وابو سميره محاوره جزله ومتميزه من الجميع
خطيييير ابو سميره لكن شددو عليه الرقابه لااوصيكم عليه ربعي ياهلي

اقهرك بالله يابو سميره هذا والله انه ماينوقف بس تصرفاته نوب

سعد المحمدي=
سلام تسليم الوفى والله يفعـل مايريـد=احلا من الحالي حلا مثل العسل منطوقها
يابو سميره كل ليله وانت في ثوبٍ جديد=ماباقي الا الناس تقضب يالزميل احلوقها
ابو سميره=
حي الله الـلـي كـلما قـلنـا على شـانـه نـعـيـد = خـليـة الـقـيفان قـربها لـزوم نـذوقها
ياللي تدق الطبل وتصفق ورا الاطرش فريد = ليتك تعرف البلطقي في مصر من فاروقها
سعد المحمدي=
ياصاحبي يابو سميره وش بقالك من رصيد=بالديره اللي كل ليله وانت تسبـر سوقهـا
حنا نعرف أهل المدينه والقريـب والبعيـد=وكلمه تغرك خلها يالقرم فـي صندوقهـا
ابو سميره=
اللي غدر بمعاويه بكره يبا يذبح يزيد = لاكن لا تنغر بالمزنه ونوض بروقها
ان لد والا صد قلبه ممتلي قيح وصديد = ذي شجرة الزقوم واجبها نجث عروقها
سعد المحمدي=
ياصعب راسي وان ضربت اضرب بسيفٍ من حديد=ماساوي العاقل يـاراع الطيـب فـي مطفوقهـا
ان طعتنـي مـع العـرب لازم تفيـد وتستفيـد=اتـرك سوالـف رد لاحقهـا علـى ملحوقـهـا
ابو سميره=
ترا البديوي راعي البيدي من البيدا يبيد = لو قالوا العربان ولد اجبالها وعروقها
البدو حلوا وسرحوا وانته تنوه بالشديد = مدري نسيت حقوقها والا جنيت عذوقها
سعد المحمدي=
تبغى تسوي لك مكانه مثل هارون الرشيـد=وانته ثيابك كل مـن جاهـا يزيـد فتوقهـا
ان كان تبغى العلم الابيض من زميلك والاكيد=البدو سو اضنونها بالنـاس سـد حلوقهـا
ابو سميره=
الحمد لله كني النعمان والا ابن الوليد = والا انت من شله هوى يعني وساع شدوقها
انت اجودي لاكن ثوبك ثوب شيطانن مريد = ياللي تمد ايديك للعربان وانت تبوقها
سعد المحمدي=
ياكبرها يالصاحب اللي لاشقي والا سعيد=خل الدعاوي كل نظرتكم تجي من فوقها
الظاهر ان الخبث يمشي فيك مع دم الوريد=تزعل وانا معطيك راس الفيل مع زملوقها
ابو سميره=
تبا الحقيقه مانت لا شاعر ذهين ولا بليد =لا قفت الدنيا عن المقفين عسر لحوقها
ما فيك عيب الا ليا غنيت جتك ام العبيد =ثمن تشيل بنفسك اللي وسعها من ضوقها

لله دركم محاوره جزله وقمه ومتميزه صحت السنتكم ياشعرائنا المبدعيين اسجل اعجابي اللامحدود بكل حرف من حروفكم الماسيه الله لايهينكم وبيض الله وجيهكم ولانعدم تواجدكم الراقي والله يحفظكم ويرعاكم بكريم رعايته

صح السنت الشعراء