محلا البراد وشبة النار بالحوش

محلا البراد وشبة النار بالحوش = عند الكريم اللي من الشوق له جيت
له مجلسن بالعز والطيب مفروش = جاه الفقير وقال يالفقر ولًيت
تلقاه بالجفدور باللون مرشوش = باللون الاصفر جاي لونه على زيت
يوم المجالس صارت اليوم بدشوش = صوت النجر يجذبك في داخل البيت
راعي سوالف مابها كذب وغشوش = شايب يجيب العلم سرع العفاريت
سلمان ابو فايز على الصخر منقوش = نارن على راس الجبل دون كبريت
يالله عسى ترسل على داره رشوش = حتى يسيل الحمض يامحيي الميت
دارن اهلها تجعل الراس منفوش =بالطيب طيب وبالمعارك طواغيت
يوم القبايل حبها خيل وطروش = راعي الطويسه لاذكرته تعزويت
شوق الهنوف اللي سهمها من رموش = حمير الحربي ويكفي له الصيت
كان الاسامي تعجب صغار ودفوش = ماعابه الاسم الردي وبه تسميت
عنتر ترى عبدن ولا يملك قروش = مير الجليله روًحت دون توقيت
من جاه غازي جاه خايف ومربوش = ون راح قال اللي حصل غير ونيت
زبن الضعيف اللي من الناس موحوش = انشد هل الوادي ليا من تعديت
عبرت مابالبال والراس له شوش = ودرب الخطا يخطي خُطا حين خطيت
لاني ابن هذال ولاني بعلوش = الله يجملني ليا مني غنيت

صح السانك وبيض الله وجهك

صح لسانك
ياراعي الطويسه
والنعم بالمادح والممدوح
حيث ابو فايز من الرجال اللي يستاهلون المدح
والفارس حمير اشهر من نار على علم

صح السانك وبيض الله وجهك ويستاهل ابو فايز وحمير فارس غني عن التعريف ولاهي غريبه عليك ذكر الطيبين وانت حفيد راعي الطويسه


كان الاسامي تعجب صغار ودفـوش ماعابه الاسم الـردي وبـه تسميـت

وتستاهل ياأبن حمير وبيض الله وجهك

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وبيض الله وجهك
تقبل مروري وتقديري

	المشاركة الأصلية كتبت بواسطة العنود.

	صح السانك وبيض الله وجهك

صح بدنك لاهنتي على مرورك الرائع

	المشاركة الأصلية كتبت بواسطة سعد المحمدي

	صح لسانك ياراعي الطويسه والنعم بالمادح والممدوح حيث ابو فايز من الرجال اللي يستاهلون المدح والفارس حمير اشهر من نار على علم

صح بدنك وماعليك زود وبيض الله وجهك على التواجد المميز

	المشاركة الأصلية كتبت بواسطة المحمدي الحربي ا

	صح السانك وبيض الله وجهك ويستاهل ابو فايز وحمير فارس غني عن التعريف ولاهي غريبه عليك ذكر الطيبين وانت حفيد راعي الطويسه كان الاسامي تعجب صغار ودفـوش ماعابه الاسم الـردي وبـه تسميـت وتستاهل ياأبن حمير وبيض الله وجهك

صـح بــدنك وماعليك زود نورت الصفحه بوجودك يالغلا لاهنت على المرور الرائع

صح الله لسانك
ولاهنت
وسلم فكرك وبنانك
دمت برعاية الله وحفظة