ديوان الشاعر :الشيخ:/ حسين مريع العبيدي

Quote=حسين مريع العبيدي;1141815]

لاباس لاباس ياملك الوطن لعل ماباس = ياخادم البيت ياعز العرب والمسلمينا
ان غبت عنا عيون الناس تشكي قل الانعاس= يشفيك ربي من الامراض وانشوفك تجينا
الله يشافيك يافخر العرب من كل الاوناس= ياخيمة نستظل بظلها طول السنينا
الشعب مثل الجسد وانت لشعب المملكة راس = وليا سلم راسنا يحمي شماله واليمينا
يحفظك ربي لنا عزوة ونفخربك مع الناس = ويكفيك ربي شرور المبغضين الحاسدينا
الياتشكويت صرنا مثل بن وسط محماس = واليا تعافيت تفرح بك قلوب المخلصينا
ياللي مزاياك في طول العمر طيبة ونوماس = وحكمت فينا كتاب الله خير الحاكمينا
ان قلت عادل فعدلك تعترف به كل الاجناس = ماينكره غير كافر مادخل قلبه يقينا
وان قلت خير فخيرك شال عنا كل الافلاس = اعطيتنا كل ماعندك وربك لك عوينا
وان قلت حامي حما هيبتك تردع كل الانجاس= ياغيث للمخلصين وحربة للظالمينا
وان قلت عزة فعزتكم بنيتوها على ساس= بيت بني بالهدى ما شيدوه العابثينا
وان قلت محبوب حبك عند شعبك ماله اقياس = محبة الناس لك من حب رب العالمينا
والله من ذمكم ياهل الوفا ماعنده احساس = سيروا وحنا وراكم سامعين وطايعينا
والله مااقولها مزحة ولا هو قول بلاس= يشهد بها الله علي والله خير الشاهدينا

[/quote]