ديوان الشاعر عيسى رجعان الرشودي العوفي

قصيدة قلتها منذ سنه تقريبا مخاطبا فيها احد الزملا ء الافاضل وهو محمد السبيعي
وذلك عندما كنا سويا في مهمة عمل ليلا في عيد الاضحى
-------------------

ان كان سدي يالسبيعي لكم باح=ذكرالحيا يعجب وقلبي طموحي
البرق يجذبني مع الليل لا لاح =ورى المزون الغر دوبه يلوحي
برق سرى وانا مع البرق سراح=وتسترسل الابيات وابيح بوحي
كنه لنظم الشعريالقرم مفتاح=يسج فكري مع جديد القروحي
مدري ولع مدري شقى مدري افراح=مدري على شوفه تجددجروحي
مثلي ومثلك مبعد الدارمنزاح=يشوحه الهاجوس مع كل شوحي
لوقلت انا خابرك بالهرج مزاح=وتخفي خفايا عارفك ماتبوحي
قلبك لرنيه راح من عرض من راح=وانته نويت ولاسمحوا لك تروحي
تبي هنوف نهدها تقل تفاح=والعطرمن ناعم جسدها يفوحي
وعيون سود للعشاشيق ذباح=ودك بها ميرانت عنها نزوحي
عسا الحيا بديار هاف الحشا طاح=تروى من الماطرعدود شحوحي
من مدلهم في فضى الجوسباح=رشه حقاق لوابل النو توحي