((( إعيال عبدالله رجال الحميه )))

	المشاركة الأصلية كتبت بواسطة فهد مطلق السليمي

	السلام عليكم نعود لكم بعد فترة أنقطاع بشوق ولهفه لمصافحة ذائقتكم العالية رد الجمايل بالقصايـــــــد له أسنين = والمدح لأهـل الطيب مابه زريه يمدح كريم الذات مبطـــي وهالــــحين = وحنا نسوق أمع الطريق المطيه وافين ونقــــــــدر رجـــــالً وفيين = ومن طبعنا شكر الرجال الوفيه والطيب والتقديــر عملـــــه بوجهيـن = يكتب ورقها بالقلوب النقيــه وأنا مُدان ولا أقدر أطلــــع من الدين = للطيّب الى زاد طيبه حميــــه أهدي عليه من الـــــروابـــع مضامين = وأحس بالتقصير رغم الهديـــه هذا محمد وقفتــــــه بيـــــن قوسين = ( صعبه على بعض العزوم القويه ) لجل إنها لو حولـــــت بالمــــوازين = تميل كفتها وتازن طميــــــه عندي على قولي ثبـــــوت وبـــراهيـن = وقولً بدون إثبات يصبح خطيــه وإليكم التفصيل عقب العناويـــــــن = بالموقف الي زادني معنويـــه للي تحرك وأتصل قبـــل شهــــــــرين = عقب الخطاب الي شرح له قضيـه وقال أعتبرني معك بالماقف الشيـــــن = وبالزين مايحتاج هرج ولغيــه ثم أستوى للعلم نــــــاسً رفيعيــــن = يسعى محمد والمحاصيل ليــــه كلم أخوه وقال مابه خيـــــاريـــــن = هذا الرجل يستاهل المقدريــه وقدام خمس أيام صار إلتقائيــــــــن = الأول أقدم وأزهل الي عليــه والثاني أبشر ياسليـــل العزيــــزين = أنته رزين ولا تبيلك وصيــــه قاله سميي وأسمعوه المواليــــــــن = وتشاوشو تقل الهروج أنكريــه صحيح مايعرف سلـــــــوم القديميـــن = إلا بدويً من عروق أبدويـــــه وفهد ولد يملك مع العرف عرفيـــــــن = قليل تلقى بالمناعير زيــــه لقيت فيه الطيب والحزم والليـــــــن = والناس ماهي بالمزايا سويــه وشلون مايفرق وربعه بـــــداريـــــن؟= قومً على الطاله تشب اللظيــه ركاب خيل وبالمــــلاقــــا شجيعيـــن = يوم الزمن شيب عيون البـريـه وللضيف والرحال دايـــــم كريميــــن = من الهجير يقلطونه بفيـــــه ورجالهم يفزع لجـــــاه البعيـــديـن = تقول فازع بالزمن مع خويـــه ولاهو بلازم عندهم نظــــرة العيـــــن = يقضي لزومك مايبيلك جزيــــه وأكبارهم من يوم كانـــــو صغيريـــن = فيهم نعارة قوم ماهي رديـــه وأكبر دليل من الدلايــــل شقيقيــــن = أعيال عبدالله رجال الحميـــــه مهداه للشاعر والأخ العزيز : محمد عبدالله البدراني والأخ العزيز النبيل الأستاذ: فهد عبدالله البدراني والعذر يسبقها كان حصل تقصير

عزالله انك تكلمت وقصدت قصيدة تهز الوجدان ياسلام عليك لافض فوك
اما الاشخاص اللي ذكرت فهم يستاهلون المدح والثناء اهل طيب ومرجله
اهل وفاء اهل حميه والجزاء لهم اكبر لكن انت ماقصرت وراع الجميل
يستاهل الثنا كلكم وافين لاهنت يافهد مطلق السليمي

بيض الله وجهك يالجزل

يستاهل الطيب راع الطيب

اخي الشاعر الكبير
فهد مطلق السليمي


الاخ الغالي محمد عبد الله البدراني
وشقيقه الاخ فهد محمد البدراني
يستاهلون الطيب ويستاهلون من القصيده الجزله
والنعم بالبدارين كلهم
أشهد بالله انهم من ربعنا الغالين علينا

نعم هنا حمية الحربي على الحربي
هنا الرفقه والصداقه

الله يبيض وجه محمد واخيه فهد
على ماقامو فيه من عمل يشكرون عليه
والحقيقه الطيب ماهو غريب على أهله
صح لسانك وعتلا شانك


تحيااتي