قصيده في حفل تكريم الشاعر/ محمد الحداري

	المشاركة الأصلية كتبت بواسطة بدر الهويملي

	بسم الله الرحمن الرحيم هذه القصيده تشرفت بألقائها في حفل ولد سليم من حرب وذلك تكريمهم للشيخ الشاعر القدير / محمد بن شبيب الحداري السليمي واقول لولد سليم بيض الله وجييهكم ولكم بياض الوجه إلى يوم الدين على هذا التكريم الذي أسعد كل حربي على وجه الارض ياهاجسي هات المعاني على خير=واكتب جزاله بالبيوت السليمه ياهاجسي ماهوب وقت المعاذير=ولاوقت ترديد البيوت القديمه ياهاجسي وانظم قصيد الجماهير=مادام لك منهج وصبر وعزيمه ياهاجسي وأمدح ربوع(ن)مسافير=وحذرى تجيب من البيوت التيميه أهل المليحا يوم سوق المظاهير= تاطا على سقم العذاب وجحيمه سلايمه لاصار بالجو تكدير=عدوهم طبعه يذب الخريمه معروفة(ن) في زين سوق التباشير=ودايم تبشر بالحوير لـــريمه رجالهم يثبت كما يثبت النير=ماهو محسب من عواقب وخيمه اصفوفهم ماتهاب جمع الطوابير= لاولعت بين الغريم وغريمه لو كان في هاك الزمن بس تصوير=كان الشجاعه دوم فيكم وسيمه والا الكرم طبع(ن) لهم بالتقارير=حيل(ن) تقلط للرجال الحشيمه يوم ان بن مطلق لفوه الخطاطير=السالفه وقت العصور القديمه السانيه تذبح قبل جفت البير=من فعل اخو بنا بيده الكريمه والا الحداري معه حكمه وتعبير=ماهوب ظالم مير رد الظليمه شاعر بفكره صخر الشعر تصخير= شاعر حكيم وله معاني عضيمه شعره كما وبل المزون المزابير=ينعشك لاهب البراد ونسيمه يستاهل التكريم قدم المناعير=بين العرب معروف حشمه وقيمه وحنا بنى سالم سيوف(ن) بواتير=أقلوبنا فيها النوايا سليمه دفانة الركبه بسوء المقادير=عدونا يبشر بذل وهزيمه والا القبيله حرب عزه وتقدير= بالدين وسلوم العرب مستقيمه سوالم ومسروح لادقوا الزير=تاقف سوى لأن العلاقه حميمه في ظل دوله مانبي غيرها غير= دار الوفا واهل العقول الفهيمه حكامها تحكم على العز والخير=عز(ن)لأبومتعب جعل ربي يديمه هذا وتمت وان بدا فيً تقصير=العذر منكم راس مال وغنيمه بدر بن نافع الهويملي

الشاعر القدير/ بدر الهويملي
صح لسانك وعتلا شانك وبيض الله وجهك
حظور مشرف والحداري وربعه يستاهلون الطيب
والحقيقه انهم ماقصرو الله يبيض وجيههم في حق الحداري
والحمد لله ان ابو فهد كرم في حياته وهذا شي عظيم
الله يطول عمر ابو فهد على الطاعه
تحياتي وتقديري