ديوان الشاعر عبدالله عتيق الحنيني

خذني معك لا نويت اتروح يا روحي=مافيه احد لا رحلت اقعد على شانه
القلب ماله هواء بغيرك ومصلوحي=عليك قلبي حبيبي صك بيبانه
ما اسلا والا فضفض الغيرك والا ابوحي=صندوق الاسرار قلبك يا الغلا امانه
صحيح مبدا المحبه لعب ومزوحي=ولا رف طير الهواء ما كف جنحانه
والحب مهما يطول الوقت مفضوحي=الحب ما يختفي رمزه وعنوانه
يا باقت الورد لا هب الهوا فوحي=يا خيرت الورد وغلا زهور بستانه
خليني تخيلك ومتع اشبوحي=وقول يا ليل يا دانا ويادانه
بطرب ومتع جميع سموع من توحي=كل المسامع تجي وتروح طربانه
يا الورق غني طرب وان روحت نوحي=صحي خفوقن تناسى جروح خلانه
داوي جروحك بصوتن ينقض جروحي=ما دام ماله دوا للقلب و حزانه
راح الغلا يا حمام الورق في روحي=وبجيده العقد من دره ومن دانه