ديوان الشاعر ( راشد الزهراني ) المحيط

يابحر موجك يصل شاطيك = ويرتاح من كثرة اسفاره
يابحر برمي همومي فيك = واشواق قلبي وتذكاره

من ذكرياتي كتبت اسطر = وسجلتها في سجلاتي
والدمع من ناظري يقطر = لما اتذكر معاناتي

بالله يالايمي تكفى = انتا علامك عليا تلوم
القلب من لومك استكفى = اللي من العاطفه محروم

ياحرف ترجم خفايا الروح = واللي من الود عانيته
سنين مرت وانا مجروح = والجرح فالقلب داريته

ياعين قبل البكى طلى = ان كان حولك عذول اخفيه
اشقيت عمري عشان اللى = روح بقلبي عشان ابكيه

حاولت احطم جدار الصمت = اللي فرضته على احساسي
لابان سدي ولا استسلمت = ولا كف عني اسى الآسي

مسموح منك الخطا مسموح = من صافي القلب والنيه
لجلي جعلتك مكان الروح = عندي خطاياك معفيه