.....إياكــا أعني وأسمعـــي ياجـاره .....

	المشاركة الأصلية كتبت بواسطة فهد مطلق السليمي

	إياكَا أعني وأسمعـي ياجـــاره = الهرج مره والخطا تكـــراره والعلم موجز والكلام أجبـــاري = والصدر ماودي تبيح أســراره ولو هو على كيفي نسيت الموقـف = الى دعت بوح القصيد أثــاره وجاوب لها هجسً يهز السامــــع = ببيوت شعرً كلها مختـــــاره فيها الكلام موثقات أحروفــــه = والجزل منها مايهس إعيــاره بديت فيها من طناخة راســـــي = قبل الصباح يسرنا بأنــواره بأكناف بيتً للطراقي ملفـــــا = بيتً مشيد بالرخام أجـــداره حافه أبوي وساعدوه أخـــوانـي = وعلى المعزه فاتحين أسـواره بالقيض للافي لطيف وبــــــارد = وبالبرد دافي ماتطفــا ناره زل العجم وسطه ثمين وغـــالـي = ولاحسبو يوم الشرى لأسعـــاره وفيه الدلال أنواع غير أنواعـي = وكلً يقدم في محله كـــــاره ويوم أعتلا كوعي على مركــايـه = لا الكيف بالدله يصوك إبهاره وقام المقهوي وأحتسى فنجــالي = حطـه يمين ودلتــه بيســاره وساقه علي السوقه المعتـــاده = ويوم أنتهى الأول عليـه داره حتى أقتعد راسي وطار عمـاسـي = وشقّر عليه هاجسي بأزيــــاره وأنا ليا هاز المشاعر هجســي = أسوق من راسي بنات أفكــاره فرايدً فيها المعاني قمـــــه = لو قدمها بعض العرب محتــاره أجيب مبداها على معنــاهـــا = وأحط له بيت القصيــد أستاره وأرتاح من راع الكلام الفاضــي = وأمحللٍ تنقد على منظــــاره أهل الزوايا هرجها ياكثــــره = تهوس لادق اللعين أوتــــاره وإن قيلت الكلمه بطيبة نيــه = تكبر بساعه والعرب ثرثــاره ياهل اللغا لا تشغلون العالـم = ترى العروق الهاديه فــواره كل الذي فج الضمير وسـاقــــه = رفيقي الي مالقيت أعـــذاره أخطا خطا وأقشــــــر خطــــا في ضني= خطا رفيقً ماتحب إشهـــــاره غره هوى نفسه وطيشـــــــه غره = والكبر دن دن للردي مزمـاره حنا نحفظ أحقوقنا لنفسنـــــا = وأهل النقا لأهل الوفا وقّاره واللاش دايم نظرته للدنيـــــا = والحر دايم نظرته في قــاره والطيب يبقى والأوادم تفنــــا = وكلً على ساسه تلد أنظـــاره ولاكل شيٍ يشترى بالمـــالــــي = والطبع ورثه مايجي بتجــاره والي ورث له ناقةٍ عَرجـــــائي = يمكن تموت ديوسها بإصــراره وقصيدتي ساقت بنات أفكــــاري = يالله عساها للبطا كفـــــاره ماقلتها بحثً عن الأنظــــاري = لا والذي باد أبرهه بإحجـاره

ياسلام ياسلام


صح لساااااااااااانك ياسمي

كل قصيدة أقرئها لك أقول هذي افضل ماعند فهد ولكني أتفاجئ بإن كل قصيدة افضل من الاخرى

وإذا عدت لأوائل قصائدك قلت هذه افضل .

الحقيقة ان كل قصيدك جزل وقوي وشاعر تكتب على معنى ,

شهادتي فيك مجروحه

ولا اقول إلا صح لسانك وبيّض الله وجهك وكثر الله من امثالك

لاعدمتك

شاعرنا فهد السليمي ..

صح لسانك قصيده جزله من راس جزل ..
بيض الله وجهك ولاهنت يالقرم ..

أطيب الأوقات ..

فهد من الشعراء
الجزلين ياليت من فتره الى فتره
يطرح من جديده بالموقع
حنا بلشنا بالبعض
يجعل الصفحه الاولى كلها من قصائده تقول ديوان له
وياليت يرضي القاري

ياسلام مطنوخ ابن مطنوخ وكفوء ومجلس عامر باهله ان شاء الله
تقبل اعجابي واخلص تحياتي صح لسانك

قصيده جزله
دام الشعر ودام راعيه

صح لسانك وبيض الله وجهك