صباح الخير يانور الصباح وسلوة المشتاق

السلام عليكم ورحمة الله وبركاته
اسعدالله اوقاتكم بكل خير :هذه القصيده المتواضعه هديه مني لملتقى حرب
اتنمنى ان تنال اعجابكم

صباح الخير يانور الصباح وسلوة المشتاق= تحريتك قبل نور الصباح تبين فروعه
تحريتك وقلبي مانسى حبك وصدري ضاق=أهدي خافقاً ماهدت الايام من روعه
نسيت اني نسيت أنسى غرامك لين همك واق=على قلباً مادونه غير شبر ستار وضلوعه
تبي تابس غصون الخافق وينحت منه أوراق=عقب هاك الغياب اللي انت تدري ويش موضوعه
تحملت الهموم اللي على قلب الشقا تنساق=هموماً في حنين الوجد والاهات متبوعه
بغيت الصبر لكني لقيت الصبر ماينطاق=عن أغلى من عشقته بالوجود وغير طبوعه
جميلً يملك انواع الجمال وياسر الأذواق= تواصيفاً تسمى في مفاهيم العرب روعه
يسوق الغيم في عكس اتجاه الريح والبراق=تكاشف في خدوداً من ورود الحسن مزروعه
عطاه الله جمالاً تنحني من شانه الاعناق=يميل هامتا بالعز والتقدير مرفوعه
ألا سبحان من صور جماله ربه الخلاق=تقول ان الجواهر منه ماخوذه ومصنوعه
تفتح له زهور الورد وتصير الكهوف آفاق=وانا فتحت قلبي ياجميل الوصف موسوعه
كتبت الك القصيد اللي يحرك هاجس العشاق=فرايد مفرداتاً في جبين الشعر مطبوعه
أسابق مع مقابيل الليالي والليال سباق=حداني بالزمان اللي حدى العاقل على دموعه
تحريت اللقى بنص الطريق ولاهقيت افراق=ولكن مالقيت الا الهموم وصدمة اللوعه
صباح النور يانور الصباح بحزة المشراق=تحريتك قبل نور الصباح تبين فروعه

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لله درك ياشداد الغيداني تطربيني قصائدك انت جزل ومبدع ومن الشعراء الكبار الذين نحرص على جديدهم


صح الساااااانك حتى ترضى


ودمت في عافيه وسعاده

رابح الجحدلي

اسعدني مرورك دمت بخير

الاخت الشاعره منيره الحربي

شكراً لك على المرور الرائع
دمتي بخير وعافيه

صح السانك وبيض الله وجهك

صح لسانك وسلم بنانك وبيض الله وجهك

قصيدة في غاية الروعة والجمال الله يعطيك العافيه

دمتم بخير

العنود
وليف الشوق
مروركم اسعدني وزاني شرفاً

لاهنت وصح السانك

تقبل التقدير والاحترام

وفقك الله

قصيده رائعه يالغيداني
صح لسانك يابو عبدالله
ابدعت بهذي الرائعه
احترااامي