قصيده في حفل زواج الشاعر..خالد الحصني

يالله جملني وروح مجمل = بين البعيد وبين كل موالي
حيث الجماله عد جمه راهي = عليه مايارد قصير احبالي
وأنا حبالي تاصله باذن الله = متنوش دلوي لا وقفت الجالي
من الحجاز اديار ابوي و جدي = ماجيت لشهره وجمع المالي
ماجابني غير الوفاء والرفقه = بحفل زفاف اللي علينا غالي
خالد خوي الجنب نعم الخوه = قرم ِمعرب بين جد وخالي
مبروك ماسويت جعلك تسلم = عسى السعاده والهناء لك فالي
امين ياسامع دعاء من يدعي = يعالمٍ بالغيب والاحوالي
وعود للحفل الكبير الهايل = مدام لي مخرج ولي مدخالي
سلام يالحضار كلن باسمه = مغلفٍ من ورد غصنه مالي
لاذعذع الغربي وحرك غصنه = يشم ريحه كل طيب فالي
سلام فيه إنعم ماخصينا = كل الحضور الجالسين اقبالي
على شرف راع الوفى والجيره = الله جمعنا والعلوم اجزالي
في ليلة ٍ ياطبيها من ليله = ياهل الكرم جينا كريم اسبالي
الطيب لاهل الطيب دايم عاده= نقولها وغيري لها من قالي
خالد ولد موسى عريب المنسب = دايم صحونه لضيوف اثقالي
ربعه لهم قدر ومقام وهيبه = بالوقت الاول والزمان التالي
نعم بهم حتى تقوم الساعه = اهل المواقف والمقام العالي
مدلهين الاجنبي عن داره = صحيح مابه شك والاجدالي
الدهمشي قدام اقوله قاله =كلام من كل الشوايب خالي
ليه ذكر قصه لجده ظاهر = فيها يسولف في محل ارجالي
عن ماذكرلي جبت روس اقلامي =ماهي سوالف خايب ٍمحتالي
وان جيت مع باب الكرم والشيمه =حصنان فيهم تضرب الامثالي
وقت الحرايب ضد للحرابه = تركي على الخصم العنيد الصالي
يتلون منور والنعم في منور = راع الكرم للكايده حلالي
شيخ ٍمحله لنشاما منصى = بالطيب معجز والصحيح يقالي
حفيد شيخ يوم قاد الغاره = خلا الجنايز مالها شيالي
فارس يهابه بالمواجه خصمه = والخيل من فعله يجيهااجفالي
لو كل مسمع بالقلم سجلته = الشرح في بعض الحقايق طالي
ماقل دل وما ذكرته موجز =عن سيرة أهل الطيب والابطالي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الله الله الله الله الله الله

صح السانك مليون * مليون يابو تركي وإعتلا شانك

قصيدة جزلها وفيها من الإبداع الشي الكثير

وفيت وكفيت ولا قصرت ودايم وأنت وافي

وخالد الموسى يستاهل المدح وعسى الله يوفقه في حياته الزوجية

والشيخ منور يستاهل

وربعنا الحصنان كلهم يستاهلون هذي القصيدة الجزلة وأنت ماقصرت وعلمك غانم دائم

لله درك

وموفق خير

صح لسانك يا ابو تركي

مبدع كعادتك

و اسأل الله التوفيق للأخ الشاعر / خالد موسى الحصني

و الحصنان قومٌ يستاهلون المدح

صح السانك وبض الله وجهك ماقصرت والله يعطيك العافيه

السلام عليكم ورحمة الله وبركاته
مساء الخير ياهل الملتقى جميعا وعذرونا على الانقطاع عنكم
ابو تركي صح السانك مدد ماهو عدد بيض الله وجهك
وكثر الله من امثالك 0 ولاعليكم زود طال عمرك
وبو موسى وربعه الحصنان لهم الفخر بحضورك انت ومن جانا وشرف حفلنا
ابو تركي تقبل تحياتي وتحيات جميع ربعك الحصنان فحيا هلا ومرحبابك

صح السانك وبض الله وجهك ماقصرت والله يعطيك العافيه

[table1="width:95%;"]

ياااآآآآآسلآآآم سسسسسسسسلم

اششششششهد بالله انك مجمل وتجمل المكان الى تجيه يابووو تركي

عسسسسسسى السسسعد والفال الزززين

لخالد الحصني ومبرووك ماسوآ

ويسسسستاهلون الطيييب ياطيب

صح السسآنك اخوي سعد مدددد مدددد مدددد

تذوقنا وشبعنا شششششششعـر

لآآآآآآآآآهنــت

جمال وكمال طال عمرك

وصح لسانك ابو تركي

قصيدة جزلة وخالد وربعة الحصنان اهل علم غانم ويستاهلون المدح وانت كفيت ووفيت

والحقيقة كسبت شوفتك في ذلك الليلة الجميلة انت ومن حضر من الاخوان والربع

والله يوفق الاخ العزيز والصديق الوفي خالد الحصني واتمنى له حياة سعيدة وموفقة باذن الله