سلام والمعنى على روس الرماح وفالسمين

بخيتان البشري
سلام والمعنى على روس الرماح وفالسمين=عـلــى رِجـــال ارِقـابـهــا ماتـبـتـلـش فمـتـونـهـا
لا بـارك الله بالذلـول اللـي عطوهـا مطرقـيـن=وامست تجـر حمولهـا فـي قومهـا وتصونهـا
طلال المعبدي
مرحبا والمعنى على من هو عقر حط اللسين=ولا الرجال اعلومهم تطريهم ويقولونها
لابارك الله فكورة النادي وجتها شوتيتين=وأرست تحت قدم لاعب وإتعوِّدْ ويشوتونها
بخيتان البشري
تبقى ياذخر اهل الوفا تبقـى ياذخـر الطيبيـن=والرمـيـة الـلــي مخـطـيـة تـكـفـون لا ترمـونـهـا
دون البحور وسدها وانا اعرفك شاعر فطين=مـــدري بــهــم تخـفـونـهـا والا لــهــم تـطـرونـهـا
طلال المعبدي
حنا نقر إوزانها وأنتَ علومك لا ذحين=يعني كما اللي جاتها السكين بحث اقرونها
وحنا نعرف الشعر والشعار والمستشعرين=وانتم كما اللي يحرفونها لو يعرفونها
بخيتان البشري
ياللي قريت اوزانها ربي علـى مثلـك يعيـن=مثـلـي يصـدّرهـا لـيـا جـاتـه عـلـى مامونـهـا
ماظهرت سكيني ولو تبحث لها ام القرين=اعطيـت تمـرة صاحبـي عيـا يبـا عرجونـهـا
طلال المعبدي
العاقل لاضيع سنه ما يجهل ايضيع سنين=واليا نواله ديرةٍ يمسيها ولا دونها
الله يعز الدين باللي ايعرف كتاب الصالحين=يعرف متى يصلونها ويعرف متى يصومونها
بخيتان البشري
ماجبت صح وصايبة مصدوق ماتبغى يمين=والنـاس لــو تـدحـم جـبـال طـويـق مايرذونـهـا
العلـم غانـم وانـت واحـد مـن وجيـه الغانميـن=واهـــل الـفـتـاوي دورهـــم لـلـنـاس يستفتـونـهـا
طلال المعبدي
أنتَ رَجُل واصل وحنا مع كماكمواصلين=أضحِك بياض سنونها وأكحل حمار عيونها
وإن راده الله غير أجي في عقر دارك يالعين=وأظلي كاسب الجَملة وأسِدد كل ديونها