هاضت قريحة خاطري يـوم لديـت

السلام عليكم ورحمة الله وبركاته
اطرح بينكم هذه الابيات المتواضعه اتمني ان تنال اعجابكم ..

هاضت قريحة خاطري يـوم لديـت=فـي وارد الجـوال ليـه عرضهـا
ابيات جزلات(ن) لها قمـت حييـت=تحيـة(ن) للـي بيوتـه نهضـهـا
وعديت في راس الطويله وناديـت=وجتني هواجيسي تسابـق بعضهـا
واخذت من جزل البيـوت وتنقيـت=من هاجس(ن) غير الجزيله رفضها
تستاهل الجـزلات ياللـي تربيـت=على الوفاء والطيب رجلك ركضهـا
انا اشهد انـك فالمراجـل ترقيـت=يوم الرجال اليـوم ربـي قرضهـا
ماقـط والله خنـت ولآ تـرديـت=كـل العلـوم الغانمـه محتفضهـا
ياسعود واللي خالق الخلق والبيـت=معزتـك فالقلـب ربـي حفضـهـا
ونعم الخوي في خوته لا تخاويـت=تجلآ عن النفس العليلـه مرضهـا
ياليتنـي ويـاك ياليـت يالـيـت=في ديرة(ن) ياسعود محلآ فيضهـا
اللـي بهـا يامـا ويامـا تمشيـت=طول النظر ربيعهـا فـي ريضهـا
هذي طرآت العمر واللـي تمنيـت=اللـي تنومسنـي وقلبـي نبضهـا
مليت انا من جلسة البيـت مليـت=ومن النفوس اللي كثير(ن) بغضهـا
ومليت من غث العمل كـل ماجيـت=ناس(ن) ماتعرف سودها من بيضها
والله ماذكـر فـي حياتـي تهنيـت=والعين سهرانه قليـل(ن) غمضهـا
اكتـم همومـي داخلـي ماتشكيـت=لاحد(ن) درا عنها ولاحد(ن) لحضها
هم(ن) بقلبي فتـت القلـب تفتيـت=من قوته لو هي جبال(ن) نفضهـا
تم الكلام اللي من الـراس سويـت=من هاجسه محبوكة(ن) ماقترضهـا

اخــوكـــم / عـبـدالـلـه الـحــربـــي

صح لسااااااااااااااااااااااااااااااااااااانك
يالقرم
قصيده جزله
وتدل على
شاااااااااعر جزل
ومتمكن

لاهنت لاهنت

تحياتي

انــا اشـهـد انــك فالمـراجـل ترقـيـت == يــوم الـرجـال الـيـوم ربــي قرضـهـا

انا اشهد انك جزل
صح لسانك شاعرنا القدير

صح لسانك على القصيده الجزله المعبره

بانتظار جديدك

تحيتي

صح لسسسانك اخوي عبدالله


جزله من شاعر جزل ومتمكن


لاهنت يالغااالي

قصيده جزله من شاعر جزل

صح لسانك اخوي عبدالله الحربي

لاهنت

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

صح الله لسانك
ولاهنت
وسلم فكرك وبنانك
دمت برعاية الله وحفظة