هذه بعض زواميل العرضة

بسم الله الرحمن الرحيم

هذه بعض زواميل العرضة

الشاعر / محمد صالح عاقل ابراهيم الغانمي في زواج عند فالح الكريثي :

نحمد الله حكمنا بالشريعه = والشريعه ما لنا غيرها
القبايل للحكومه مطيعه = والحكومه عمّنا خيرها

الشاعر / محمد با كلكا في زواج اللحياني في قرية عين شمس :

سلام والمولى عليه الاعتماد = هو منشي البرّاق في متن المزون
جينا على دعوى و داعي في معاد = لجل الوفا نمشي و لا نخشى الظنون

رد الشاعر / الشريف صادق الحسيني الله يرحمه :

يا مرحبا ترحيب فالعلم الوكاد = يالربعه اللي فالمواجب ما تهون
انتم هل التكميل و العلم السداد = نفرح بكم لا جيتوا يا نور العيون

الشاعر / هزاع صالح مفرج في زواج هشام مسلم :

سلام ياربعٍ تعز اللي نصاها = شيّالة المرمول لا صاح الرفيق
أهل المعاني و الوفا نبغى رضاها = واللاش ما نشريه لو انه يضيق

الشاعر / فيصل بن عاقل في فرح أحمد قابل الغانمي :

سلام بالعيدين ومن العايدين = يا قايد الأمه ويا سلطانها
حنا رجالك من يسار ون يمين = وعداك قرّت واعلنت إسلامها

الشاعر / عبدالله سعيد ابوقسمين الله يرحمه في زواج السادة في مركز القضيمة :

سلام مني تحيه لهل الوجيه النقيّه = مني واثنيّ بها
نمشي على صوب نيه ونقدم الشاذليه = للساده نمشي بها

الشاعر / الأستاذ علي سليمان بن عسم في زواج ماجد ابو جلّي في مركز الأبواء :

سلام يا دار المعّزة و المعالي = دارٍ سما بين النجوم العاليه
الله يديم افراحكم طول الليالي = ياهل الوفا ياهل السلوم الغاليه

رد الشاعر / عطيّه بن مثني المحمدي :

يامرحبا في مرحبا من بال غالي = أثنيبها للي حمى الميقافيه
ترحيبنا لهل الوفا فأول و تالي = أهل الوفا أهل القلوب الصافيه

الشاعر / هزاع صالح في عادة العيد عام 1414 هجري :

سلام تقدير وافي = نهارة العيد السعيد
جينا على العاده نوافي = والله يدبّر ما يريد

الشاعر / الأستاذ عبيد عبدالله ابو قسمين بمناسبة زيارة صاحب ألسمو الملكي / الأمير ماجد بن عبدالعزيز الله يرحمه :

مرحبا يا صقر في رابغ لفانا = من نسل صقر الجزيره بن سعود
ألإمام اللي معه سابق ولانا = له معزتنا من عصور الجدود

الشاعر / الأستاذ عبيدالله علي ابو زاهره بمناسبة زفاف علي سعيد العسيري في جده :

قال العسيري بإسم ربعي مع خوالي = يوم السيوف يهزها الباع الطويل
يا مرحبا ترحيب باللافين غالي = والله يقدرنا على رد الجميل

هذه للأ ستاذ عبيدالله ايضاً :

يقول ابن سعدي و يثني ما يقوله = سلام لارحامي و ربعي و الحضور
درب الوفا نمشي على عرضه وطوله = ونقدم المعذار لا جاهم قصور

أيضاً هذه للأستاذ عبيدالله ابو زاهره :

سلام ياهل النوب يا ربع اللزوم = تحيةٍ للي حضر نبدي بها
جينا نشارك فالفرح ليته يدوم = عاداتنا لهل الوفا نمشي بها

رد الشاعر / ألشريف أحمد الدبيش :

يا مرحبا بالطيب و رجالٍ حشوم = للي لفونا و الفكر مسخي بها
انتم تراكم في سما الواجب نجوم = والناس تذكر للعرب من طيبها

الشاعر / سالم بن عوده الصبحي في زواج عند الشاعر / عواد ابو رقيبه شافاه الله و عافاه :

سلام وامسى الخير ياكل القبايل = وآل الجريسي كل واحد له مكان
عن كل وفدٍ جالكم و الراس طايل = حشمه لابو رقيبه لعله ما يهان

رد من الشاعر / الأستاذ عبيدالله ابو زاهره :

يا مرحبا باللي بدعتوا فالمثايل = ترحيبةٍ تبقى على طول الزمان
أهل الوفا والعرف ظفرين الفعايل = تشرّف الداعين والماجوب زان

الشاعر / جباره العروي :

سلام يا ربعٍ لهم منزال عالي = انتم ومن هو في فرحكم حاضرين
انتم هل الماجوب في أول وتالي = لعلكم يا اصحابنا متباركين

رد الشاعر / الأستاذ عبيدالله ابو زاهره :

يا مرحبا ترحيب مثل الشهد حالي = باللي لفونا للمقام مشاركين
أشوف بيض الهند في يديهم تلالي = لعلهم للعز في طول السنين

الشاعر / الأستاذ عبيد عبدالله ابو قسمين في زواج الشاب رفعت عطاالله ابو حسن :

حييت يا رفعت رفعك المجد فوق = هام العلوم و رفرفت أعلامها
مبروك أفراحك و زاد المجد شوق = بك المعالي حققت أحلامها

الشاعر / الأستاذ عبيدالله علي ابو زاهره :

يا ليلة الافراح طولي و استنيري = نبغى الرجال تميل برهاف السيوف
يا ما حلا شبّان ربعي في ضميري = لعل عين ابليس عميا ما تشوف

الشاعر / سالم بن عوده الصبحي :

سلام وافي من بدر وحنين جينا = لهل البلد واللي لفاهم من بعيد
نمشي لمن هو بالفرح دايم يجينا = ونقول لهل النوب هذا اليوم عيد

رد الشاعر / الأستاذ خالد قابل الغانمي :

يا مرحبا في كل وقت وكل حينا = دربٍ على القانون و الراي السديد
أهل الفرح بوجودكم مستبشرينا = وقدومكم بادي كما اليوم السعيد

الشاعر / عطيه ناهر بن مثني المحمدي :

يا ليلة الافراح قومي و اشهدي = زفي لنا الافراح باللي حاضرين
ويا نظرة الحسّاد ولّي وادبري = عن شب ربعه باللوازم قايمين

الشاعر / عطيه المحمدي أيضاً :

يا مرحبا ترحيب وافي فالوجوب = لضيوفنا وارحامنا و الحاضرين
نوفي ونستافي ولا نرضى عزوب = يالله تديم افراحنا طول السنين

أيضاً الشاعر / عطيه بن مثني المحمدي :

يقول ابن مثني يحيّي بالحضور = ترحيب غالي والثمن قولة هلا
بحضوركم زان الفرح زاد السرور = يا مرحبا مليون زايد فالغلا

رد الشاعر / عواد ابو رقيبه الله يعافيه و يشفيه :

يا من سعى للطيب ما قدّم عذور = جيناك للواجب على طيب النبا
وعمّن حضر نشكرك ما جاهم قصور = فيك الحسب من طيب دايم والبقا

الشاعر / ألأستاذ علي سليمان بن عسم في زواج عابد عبيدالله ابو زاهره :

قول ابو عابد لكم ترحيب من قاصي فؤاده = يا ربوعٍ وافيه ياهل السلام الطيبين
نطلب المولى عسى كلٍ يحقق مراده = ينصر الاسلام في ساير بلاد المسلمين

أهل قديد و خليص في زواج هزاع صالح

سلام يا من هو دعانا واستجبنا = نمشي على داعيه بالراي الوكيد
حنا لماجوبه مشينا واحتسبنا = دايم على الطيّب نزيد و نستزيد

رد الشاعر / محمد صالح بن عاقل الغانمي

يا مرحبا باللي لفانا في وجبنا = أفراحنا بوجودكم دايم تزيد
ياللي يشرفنا قدومه في بلدنا = العيد عيدالله وهذا اليوم عيد

الأشراف في زواج هزاع صالح

سلام ياهل النوب رديّة وفا = للشيخ واهل الدار واللي حاضرين
نمشي على العادات ما نقصر خطا = راع الوفا نوفيه مدٍ باليمين

رد الشاعر / محمد صالح بن عاقل الغانمي

يا مرحبا ترحيب يا من هو لفا = تحيّة تضفي كما نو الغشين
هذه مزايانا في سهل وفي شفا =نفرح ليا جونا رجالٍ فاهمين

الله يـعـطـيـك الـعـافيـــــــــــة يــابــن الــعــم

بيض الله وجهك

الله يعطيكم العافيه

يشرفني تواجدكم بمتصفحي

اوقات اسعد

ءءءءءءءءءءءءءءءءءءءءءءءءءءءءءءءءءءءء

تسلم ایدک یاخوی ماجد علی هالمجهود بجمع هالاشعار.. ولو مالی بالشعر ،، لکن

احب الاستماع للشعر... لاعدمناک یاخوی الغالی

ءءءءءءءءءءءءءءءءءءءءءءءءءءءءءءءءءءءءء