يــاقوو قلبــك

::
::

ياقو قلبك كيف تقوى على الصـد=وآنا الذي من شانك أفنيت روحي
وتقول كل اللي مضى ماهو بجـد=قلّي وش اللي ماتحسبه مزوحـي
الله وأكبـر يـوم تطلبنـي الـود=ياحيف والله يالزمان الشحوحـي
الحب ماهو قصر من رمل ويهـد=الحب مبني من عليّ الصروحـي
ليصار بنيانه علـى العـز شيـد=يدوم والعـاذل يشـط ويفوحـي
ياللي ملكت القلب في راحة اليـد=وش جاك ذا الليلة تنقض جروحي
آناعلى ذيك المواثيـق والعهـد=ماخنت والعالم بسـرِّي وبوحـي
إن كان ودك ياهوى البال تبعـد=مسموح وروّح لايزعزعك نوحي
وان كان ودك ياهوى البال تقعد=خل التغلي والتغلي نزوحي
سكين كبرك فوق شرياني تحـد=لاطقت صبر ولاوصلت لطموحي
مير الله أكبر يوم تطلبنـي الـود=ياحيف والله يالحبيب الشحوحـي

::
كـ ع ـام الـ ع ـايل