ديوان الشاعر//دليم مرزوق الشدادي

بحثت عن ديوان الشاعر دليم صياح الشدادي رحمة الله عليه المعروف

بلقب مهجرس الحرف ولم اجد له ديوان مع الدواوين ومع اني بحثت وكررت البحث الا اني

لست بمتاكد والاكن سوف استفتح ديوانه بقصيده من قصائده واذا كان له ديوان موجود

لا مانع من حذف هذا واذا كان ماله ديوان ما يمنع مشاركت من يريد المشاركه في جمع قصائد الشاعر


واستكمال ديوانه والله يغفرله ويرحمه ويسكنه فسيح جناته

ضيقات صدري توالت في تهجرسها = لين اشتعل من كثير الهم مقباسي
وحضرت بوكي ونفسي قلت اونسها = بعد اصتفق في صميم القلب هوجاسي
وابني بيوتٍ حسب عرفي مسيسها = من ضيقة تحتويني وقت الأدماسي
من عام الأول وانا بالصدر حابسها = ماودي اقول خايف هرج الأنجاسي
ناسٍ على فرحتي تحرق محامسها = وتثلج صدورها لاصابني باسي
وناستي من حسدها ماتونسها = بخصتها بعد جاء للحبل مساسي
شفت الحقيقة وشفت اللي معاكسها = التجربة وسعتلي ضيق الباسي
ثيابي اللي زمان العام لابسها = مع ناس ماتعرف الطيب من الخاسي
ضاقت بجسمي لو اني كنت قايسها = طولي وعرضي ولاكن ضكت انفاسي
من ناس صحباتها بالغدر تبخسها = ويلحقك منها ضرر وتشوف الأتعاسي
لو تبتسملك وتبديلك تحمسها = لاغبت عنها بعرضك مثل الأمواسي
وناسٍ تضايقك بهروجٍ تملسها = مالك بديوانها ياحر مجلاسي
اشهر مثل ماشهر باتع قرانسها = وادعس بسبتك على الحميان والقاسي
واعطس ويرحمك من نفسك معطسها = ربك هو اللي كفيل بلقمة الناسي
مايقبل الضيم من نفسه ملبسها = ثوبٍ من العز والشيمة لها كاسي
ماعاش مع ناس عاشت في طفايسها = على الضعافه نشت من دم واحساسي
واقول لقمتك لو زانت مغامسها = لاتامن الوقت يتربها وتنحاسي
وان لولستك الليالي في لوالسها = لياك تقطع رجاء المعبود بالياسي
ماضيقة الا فرج ربك منفسها = لاكن خل الصبر حافز ونبراسي
وتمت بيوتٍ حسب عرفي مسيسها = يوم اصتفق في صميم القلب هوجاسي