الديوان الشامل للإستاذ/ محمد بن خير الله الردادي الحربي

محمد بن خير الله الردادي الحربي

اخر نشاط له في هذا الصرح الشامخ كان بتاريخ24/12/2010الساعة 2.14 دقيقه مساناََ
دخلت ملفه اول مرة ادخل ملفه الشخصي من يوم ماسجلت هنا قال المتصفح رساله شخصية لبن خير الله الردادي؟بكيت رغم انني لااعرفه
لكنه امفرق الاحباب بكاني أسأل الله له المغفرة
ايه الاخوة من حقه على الجميع ان يجمعو مواضيعة واشعارة ومحاوراتة هنا كا حق ادبي وواجب له على الجميع من باب الاخوة اتمنى من الجميع المشاركة وتثبيت هذا الملف الشامل ليبقى ذكره شاهد للجميع

والله من ورا القصد

كحيلة حرب

يامكثر الأصحاب في وقت السعه=اعدادهم دايم وهي فيها ازدياد
صاحب قديم يجيب صاحب يتبعه=وكلاً(ن) يقول ان الصداقه اجتهاد
تحتار من تختار او من تسمعه=والوقت مايعطي للازمك المراد
واليا حصل لازمك وجات الموجعه=الكل مايسمع تقول انه جماد
واذا بغيت اللعب قالوا اربعه= تشوف صن وحكم وتقلب لك مزاد
وان جيت تطلب لازمك للمنفعه=الكل يوخر عنك مافيه اعتماد
يصفى من الألفين رقم(ن) تطبعه=وصفاره اللي تتبعه صفراً وكاد
تروح مثل الماء بمنخل تجمعه=او مثل قمح(ن) يابس(ن) بعد الحصاد
لكن قولي ذا خذه ثم رجعه =بعض العرب واحد كفو فيه السداد
تلقاه في وقت الشدايد مطمعه=دايم بجنبك ينفعك في كل ماد
والصاحب اللي مايفيدك امنعه=مادام ماياقف في وقت الأرتداد
لكن صديقك افحصه ثم ودعه=ان كان ماينفعك في وقت المفاد
ماتنفع الصحبه وهي ملمعه=ولاتدفي البردان في وقت البراد
ودايم قرارك بختيار طلعه=خلك حكيم(ن) دايماً وركد ركاد
ترى الصداقه ماهي ضحك وطرطعه=ولا هي بكثر(ن) يشبه اعداد الجراد
هذي نصيحة قاف وانا ابدعه=وانت بكيفك وتبع ادروب الرشاد

وسلامتكم
مع تحيات
محمد بن خيرالله الردادي