من رام للعليا يعاف الطماني

وصلتنى ابيات من صاحب عزيز ..ربما تكون من منقوله ولكن ابحرنا في الرد عليها وتبحرنا في مواضيع قد لاتخفى عليه وان خفيت على غيره احببت ان أشارككم واطلعكم على هذه المشاركه راجيا أن تنال أستحسان البعض..مع أطيب أمنياتي للجميع....

رسالة صاحبي

حي الله اللي تل القلب في وده=اللي ولايوم في بعده تناساني
اللي لو أغيب طول البعد مارده=يكتب ويرسل علي البيت والثاني
ماهي غريبه عليه الطيب من جده=أي والله أعزه واللي خلقني وسواني

ردي على الابيات السابقة

بك البقا ياللي لنا عنك مده=أنت على بالي بكل الثواني
حيثك وفين بالصداقة نعده=صداقتن بالقلب ماهي لساني
يمضي على الرجال بالوقت شده=عقب الرخا تصعب صروف الزماني
وقته صعيب بالعنا دوم ضده=كثر التمنى مايحقق أماني
كان العنا في حاضر الوقت حده=تفجر البركان وسط الكياني
أما يهد الوقت والا يهده=من رام للعليا يعاف الطماني
وإن باح مكنونه بيح بسده=باح الكنين ولاتبين المعاني
ابحرت يا السباح للحدود جده=واللي بغاني في مكاني لقاني
أكملت لك مرسول خطي ووده=رسائل الجوال تأصل ضماني
أقبل تحياتي بخالص موده=طيبة مشاعركم ووصلك كفاني

]