من يفرق ( هالاثنين)

يازين تدري مشكلتنا بالارقام=من يوم واحد غير الناتج اثنين
واللي مجنني وله خمسة أيام=الواحد اللي يعطي اثنين يازين
ولاقلت واحد ضرب واحد بتنضام=بصير حلك واحدن بين قوسين
الحل عندي دام هالواحد الزام=ثلاثه نطرح منهم واحدن شين
شفتي عنادي مع عنادك لاليتام=سبب لهم ضيقه وصارو مجانين
قم ياقلم واكتب سواليف وهيام=عنوانها منهو يفرق هالاثنين
إن كانه إعنادي بدوسه بالاقدام=وإن كانه إعناده يذكيه هالحين
الكل منا ذايق المر مانام=ساهر ودمعاته على محجر العين
يزورني طيفك وضمه باحلام =وطيفي يزورك ناقل لك عناوين
ياشوق قلبي نرفع اليوم الاعلام=من قبل لاندفن وحنا مصدين
إي والله أن الحظ للحين ماقام=وحظي ترى حظك وحظي بساتين
يازين حل المشكله بين الارقام=لاكن بمسح كل الارقام هالحين