اقلط يالســباح حياك الله

بن راشد=
ابا اتطوع واظهر السباح من جـوف البحـر=من قبل يأكله السمك والحوت نلبسه الثيـاب
انا اادري انه يسبح الغبات ماحولـه خطـر=لكن مافوقه غير لبس الشرت مصيون الجناب
السباح=
عقب المغيبه والتعب نبي نـردك للسفـر=خل البحر لاهل البحرهذ هو الراي الصواب
ياللي تطوع بالبحر واصبحت لي علة نحر=ماقدمك الاالبهذله مع المصايب واالعـذاب
بن راشد=
اربط حزامك واستعد لطرقة(ن) يمكن تسر=يمكن تضر اللي ماشال البندقية والزهاب
ماجيتك الا ودي اكسب فيك يا رجال اجر=امّا دفنتك بالوطا والا رفعتـك للسحـاب
السباح=
والله ماذمك يارجل اصدع بعلمك وافتخـر=بس اعرف انك من تراب وراجع يم التراب
وشلون تدفني وانا لـك المـوت الحمـر=خصمك شديد ورميته ليا صوب صـواب
بن راشد=
فزعت لك فزعت شرف واشـوف ودك تنتحـر=تنهي حياتك واصلها من نطفة(ن) وسط الجراب
ماشفت غير الخير لكـن بـس ليتـك تستمـر=والظاهر انك ياطويل العمـر تسبـح بالسـراب
السباح=
ماني بحاجة فزعتك ياللي تموت من المطـر=يمكن تبي تفزع ولكنك من الفزعـه تهـاب
عملك لاقاضـي ولاريـس ولاضابـط خفـر=انته بديوي حياته كلها بين الشعاب
بن راشد=
الميت اكرامه ليامن مات يحفـر لـه قبـر=لكن طريح المعركه دفانتـه مخلـب ونـاب
وانته من اهل الابل والا من مربيت البقـر=مار الوكاد انك من اللي يحترف حول الدواب
السباح=
بالاوله صدقت فـي قولـك وردك للخبـر=والثانيه علمك وظنك ياضعيف العرف خاب
يالشاعر اللي صورته تقل يتوايق مع كفر=احرص على لحم الدجاج ولاتغر من الكباب
بن راشد=
الاوله تشتالهـا ذمتـك والاخـرى غـدر=والقافلة تمشي ولو تنبح على الدرب الكلاب
صليت فرض العصر لكنك تصليهـا جهـر=وقدمت لك وليمة من شوفها سال اللعـاب
السباح=
القافله من دونهـا فعـل البنـادق والعجـر=مار اربطوا جعرانكم عسى جعركـم للذهـاب
وانا الصلاه اجهربها ولي عرف مع قوة نظر=ووليمتك داخل صحنك ولاانت زين وبك عياب
بن راشد=
الله يامكثـر بهـا الدنيـا مجانيـن البشـر=القول ودك تسمعه لكـن يحبـون الخـراب
توي عرفت الاجنبي من قومنا هـل الشيَـر=تشب نارك مير وش تشوي بها يابو الشباب