قصيــــدة مهـــداه الى اللواء فهد بن حمــدي السحالي

بسم الله الرحمن الرحيم

السلام عليكم ورحمة الله وبركاته

هذه القصيده مهـداه من الشاعر / مشعل بن حسين المرشدي

الى سعادة اللـواء / فهــد بن حمــدي السحــالي

البارحه جتني هجوسي وغنيت =وكتبت من صدق المشاعرقصيده
أنحت بيوت الشعر بيتا"ورى بيت=وتعب على شرد الجزال العنيده
وليا وقفتلهن وباالصوت ناديت=وردتهن عندي فريده فريده
وجلست انظمهن على ماتمنيت=نوادرا" فيها العلوم الأكيده
ولنهيت ترتيبيي لهن ماتحريت=ساعي البريد اللي يوزع بريده
يم السحالي جبتهن ماتوانيت=ولمعانقه لبسن ثيابا" جديده
تستاهل الجزلات يا طيب الصيت=ياحايزا" كل الخصال الحميده
أنشهد انك باالمكارم تعليت=ياللي نعم عند النشاما رصيده
مع ربع أخو حسنا نشيت و تربيت=بين الحروب اهل الفعول المجيده
اللي لهم في صفحت المجد توقيت=والهم بطولات ومواقف عديده
فرسان في وقت المواجه مناعيت=وعلى الظفر كلن يوصي حفيده
والله لو أمدحهم بديوان ماوفيت=عن مدحهم تقصر بيوت القصيده
وأنته على منهاجهم ماتنحيت=نهجت منهجم وكنك تعيده
الك الفخرفي حرب لامن تعزويت=واللهم فخر في مثل شخصك وليده
وانا افتخر في مدح مثلك ليا القيت=لانك ذرا" للي نصاك وعضيده
اليا نخاك وشاش راسك وفزيت=فعلك يحقق كل شئ يريده
واليوم انا اللي حدني لين لك جيت=ابوي فاالمشفى يقصدر وريده
هذي تقاريره ومن ثقلها أزريت=أرتاح وأهنا والمناوي بعيده
يومن ابوي بخير مايوم عانيت=واليوم قيدني زماني بقيده
يلوعني همه لي اقبلت واقفيت=وبعدي عنه هما" بقلبي يزيده
قصرت في حقه وفي حقه اخطيت=قصرت في حقه وأكرر و عيده
ياالله يامعبود يامحيي الميت=طالبك ياللي كلبونا عبيده
تشفيه وتعافيه ياحامي البيت=ماغيرك أحدن يقدر انه يفيده
وانا بعد ضاقت دروبي وغنيت=نصيت ابو خالد ومعي الفريده
تكفى يبو خالد بيمناك ماشيت=ألراي رايك وفعل اللي تريده
جيتك وعن غيرك من الناس صديت=ناصيك ياراس الكرم ياحفيده

وسلامتكم