 |
 |
 |
| روائع شعريه |
| روائع الكسرات |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلــتــقــى الــقــوافــي الإبحار في عالم الشعر |
|
|
أدوات الموضوع | إبحث في الموضوع | انواع عرض الموضوع |
|
|
|
| روائع شعريه |
| روائع الكسرات |
|
|
|
||||||||
|
|
|
||||||||
|
|
|||||||||
|
|
|
||||||||
| مــلــتــقــى الــقــوافــي الإبحار في عالم الشعر |
|
|
أدوات الموضوع | إبحث في الموضوع | انواع عرض الموضوع |
08-10-10, 12:59 PM
|
#1 | |
|
شـــــاعر
|
بعض القصائد والأبيات القصيرة
السلام عليكم ورحمة الله وبركاته
أقدم لكم هذه المقتطفات آمل أن تنال إعجابكـم : البـارحـه يـوم العـرب نامـت وانا لـيـلي طـويل ..... كـنّـي لوحـدي حيّ وجموع الآوادم ميّتـه وجدي على شوف العزيز الغالي الحر الأصيل ..... اللي ماباقـي منه غـير شماغـه وطاقيّته وشلون أبنسى شخص قولة نعم في حقّه قلـيل؟ ..... اللي بقامـوس الوفـا ما تنمحي وصيّـته لكـنّ بالدنيـا قــدوم العـبـد هـو نفـس الرحـيـل!! .... حكمة عظيم الشان في شان آدم وذريتّه الرابـح اللي عـاش بالدنيـا كـما عـابـر سـبـيـل ..... والخاسر اللي روحته ماتنعرف من جيّته ياعين كفّـي دمـعــتـك والله على الدنيـا وكـيـل ..... لا تحرقـين القلب وانتي جـارته ووخـيّته عـنـدك خــبـر دوام عـمـر العـبد شيٍٍّ مستحـيل ..... الموت غصب يصبّحـه تصبيح والاّ يبيّته دنيـاك ظاهـرهـا عسـل لاكـن خفـاهـا زنجـبـيل ..... والعبـد فيهـا مـبـتـلا والـربّ عـالـم نيّـتـه ماينفـع الانسـان غـير الصــدق والـمدّ الجـزيـل ..... ماتنفعـه وظـيـفـتـه ماتنـفـعـه جـنـسـيّـتــه البخـل نـارٍ تـدّهــر ووجـارهــا صــدر البـخـيل ..... ياللعجب! من حـرّ بيـدينـه كـتم حـريّتـه! والحقــد رمـحٍ يجـعل الحاقـد على فراشه عليل ..... هـذا جـزا حـقـده وتمـويهـاته وسـلـبـيّـته ومسيلـمـه كــذّاب ماعــنـده على قــولـه دلـيــل ..... من أجل ذلك جاه خـالـد وانتهت ملكيّـته يضحك عليه إبليس مثل اللي غزا الكعبه بـ فيل ..... مجـنون والمجـنون دايـم تنـكـبه جنّـيّـته تـمّ الكــلام اللي نـظـمـتـه يـوم زاد اللـيـل لـيـل ..... والرجل يبقى محتفظ في سرّه وشخصيّته والمعـذره ياهـل الـوفـا عمّـا بـدر من هالقـبـيـل ..... تحـمّـلـوا قـول المصـاب بوالـده وبنـيّـتـه ================================================= الألف أرحّب فـيـك والباء بعـد جـيت .. والتــاء تعـال أبغـاك والثـاء ثـوانـي والجـيـم جـيت أبـغـاك مـره وذلّـيـت! .. والحـاء حـدانـي عـنـك شـيٍّ حـدانـي والخاء خلاص أسمع ترا عاد ملّيت .. والـدال دامـك جـيـتـنـي فـي مـكـانـي والـذال ذابـحــنـي غــلاك وتـغــلّـيـت .. والراء رضى والزاء زعل نوع ثاني والسين سامحني وانا فعـلاً أخطـيت .. والشـيـن شـفـلـي حـلّ يا مـودمـانـي! والصـاد صـدّيـت وسـكـتّ وتـلافـيـت .. والضاد ضاع الصبر واصبحت أعاني والطاء طلع ما كنت مخفـيه وابديت .. والظاء ظهر غصبٍ عليّ وعـصـانـي والعـين علـمٍ شـتّـت الفـكـر تشـتـيت .. والغـيـن غــيّـر خـاطــري وابـتـلانـي والفاء فمـان الله لصبحت وامسـيت .. والقـاف قـل ما قـالـهــا مـن هـوانـي والكاف كيف الحـال لقبلت واقفـيت؟ .. واللام لا تـقـلـب حــروف الـمـعـانـي والميم مع كـونـك غلطـت وتمـاديت .. كم تاب باسـباب العفو شخـص جاني؟ والـنـون نعـفـو عـنك مـهـمـا تردّيت .. والهــاء هــديّــه يــوم ربّــي هــدانـي والـواو وردة حـبّ لعـيـونك أهــديت .. واليـاء يا مـن حـبّـك سكن في كـياني ================================================= صد وتنكّـر عقـب ذيك الرفـاقـه ..... ياليتنـي عن رفقتـي ذيك خيّرت اتلا العهد به يوم قطع العـلاقـه ..... للغرب سيّر يوم للشرق سيّرت قدمي طريق الخير واسع نطاقه ..... وليا تغـيّر صاحبـي ما تغـيّـرت طلعت سالم لو شعرت بحماقـه ..... مسّتني الطـيـره وانا ماتطيـرت اللي علشانه كرهت الصـداقـه ..... إلاّ صــداقـة واحــدٍ فـيـه نيّـرت ماعـاد يحـزّنّي جـفـاه وفـراقـه ..... فرقاه عيد وعقبهـا ما تحــيّـرت الله عطـانـي عقل فهـم ولباقـه ..... اليا بغيت اختار صاحب تخيرت ================================================= يا طويل العـمـر قـلّـي مـتـى نـاوي تتـوب ؟؟؟.... وانت ما عندك خبر كم بقالك من حياه لعبة (التسويف) خطّه من إبليس الكذوب ........ لا تطـبّـق خـطّـة إبلـيـس وتـردد وراه احشر الشيطان من كل حدب وكل صـوب ........ أضربه بالذكر وان قام صكّه بالصلاه يا شـمــال الارض وصّـل كلامي للجنـوب ........ ماخلقنا الله من شان نذنب وانعصـاه ما خـلـقـنـا ألاّ علشـان تطـهـيـر القـلـوب ........ من كفر واذنوب كبرى وريبه واشتباه ================================================== سر ياقلم واكتب على الصفحه جديد الذكريات /// ذكرى الغلا من ركني الهـادي صدر مرسومها سـلام يا ورد وعـســل سـلام يا سـكّــر نـبـات /// سـلام يا بيـض القــلـوب اللي تســرّ عـلـومـهـا يمكـن بعد فـتره يقـال: اللي كتب ذكـراه مـات /// وهـذا هـو المقصـد من الذكـرى وهو مفهومها هاذي نصيـحـه واقبلـوهـا يا شـباب ويا بنـات /// أنتم عرب والنصح من ساس العرب وسلومها ترا الصلاة علاج لهموم الزمان المعضـلات /// كـد قـالهـا مـحـمّـد شـفــيـع الأمّـه وزيـزومـهــا عليه أصلّي عدّ من حجّ وغزا وادّى الصـلاة /// وعـدّ النفـوس اللي تكـفّـر ذنـبـهـا في صـومـهـا وعدّ إنتصار السنّه وعدّ الجـيوش الغـازيات /// اللي يقـف قلـب الصـلـيـبـي لو سـمـع بقـدومهـا حنّا هل الإسـلام والإسـلام هـو ديـن الثبــات /// وفرق البشـر باعـمـالـهـا ماهو بلبـس هـدومها من لا عمل باخلاص نيّه ضاع مجهوده شتات /// ومن لام نفسه والخـطـا خـطـاه لـيـه يلـومـهـا؟ ================================================== مالقيت أكذب من الاعـلام تلفـاز وصـحـافـه .. .. الحقـيـقـه شـيّ واللي يذكــرونـه شـيّ ثـانـي مصدرٍ موثوق صرّح , هاه يامصدر خرافه؟ .. .. ويش عندك غير تعقيد الشوش هي والآذاني؟ كـل عـلـمٍ تذكــره تنسى وتعـطــيـنـا خـلافـه! .. .. تلك حالات الكـذوب اللي من الدوخـه يعـاني دوخـة الكــذّاب ماهي من تعـب والاّ كـلافـه! .. .. في نظام الكذب سرّك ينكشف باربع ثواني!! مدمنـين الكذب من زود الحقاره والسخافـه .. .. في نظـرهم كلّ خلق الله حـروف بلا معـاني!! ================================================== بسـم الله الرحـمــن ربّ السمــوات ..... بديت باسمه وافضل الذكر ذكره ولياختلط مع هاجس الشعر سـجّـات ..... حكرت قافٍ يتعب الناس حكره العــيـد بكــره ياعـيـوني ســلامــات؟! ... تكفـين لا تبـكـين والعـيـد بكـره قالـت حـزينـه والمـدامــع حـزيـنـات ..... والا تراي أكره مثل مانت تكره قلت أصبري قالت نفد صبري ومات ..... طيرٍ غدا واللي بقي معي وكره قلـت أيـه مـعــذوره ولا من مـلامـات ..... واللي يلومك ما معه ربع فكره ياعــيـد سـامـحـنـي تـرا كـلّـي آهات ..... والمعـرفـه بعـيوني اليوم نكـره فقـدت أبـوي وفـاقــد ابـوه بـالــذّات ..... تـلـفّـبـه دنيـا العـنا لـفّ مـكــره اضحك واداوي حر فرقــاه بسـكـات ..... وصبحي ظلام وحالة الجوّ عكره تـمّ الكــلام اللي خـتـمـتـه بـكـلـمـات ..... ولله حـمـده وامـتـنـانـه وشـكره ويالعبد مهما طـال عـمـرك سـنـوات ..... للعـمـر وقفـاته وللمـوت سـكره ================================================= وهــــذه بعض الأبيات القصيرة : لا تحسبنّي عن تواجدك غافـل .......... ترا عيوني معك من وين مارحت لي بالوفا والطيب تاريخ حافل .......... ولو كلّ شخصٍ بيّح السر مابحت ================================================== ياطول ليلي ياهوى البال طولاه ........ الفجر عيّا لا يجي والقمر غاب هـذا الزمـان اللي غريبه مزاياه ........ الرابح اللي يكتشف للفرج باب ياللي تبي باب الفرج وين تلقاه؟ ....... فكّر وجاوب قبل أسمّيك كذّاب! ================================================== جـذبتـ لك من صافـي الشعـر حـتّـى :- ....... أرواك واروى كلّ من جاك ضامي مدح وغـلا واعجاب وانواع شـتّـى ......... وازيـدهــن تحـيّـتـي واحــتـرامـي وتخفي حروفك ماعدا الواو والتّاء ......... حـتى كــلامــك مايـوافــق كــلامـي ================================================== الصبر مفتاح الفرج كيف تنسـاه؟ ..... لا تغـلـق ألاّ بـابٍ يجــوز غـلـقـه وان ضاع صبرك دوّره لين تلقاه ..... وان ما لقـيـتـه دوّره زيـن والـقـه مايجلس المومن على حيد مركاه ..... ويقول ابي من كل الارزاق شلقه ! ================================================== لا تحسبنّي عن تواجدك غافـل .......... ترا عيوني معك من وين مارحت لي بالوفا والطيب تاريخ حافل .......... ولو كلّ شخصٍ بيّح السر مابحت ================================================== مستشفيات النصب تنصب على الناس .. .. .. والناس مجبوره تجامل مع النصب ! قامـوا يقـيــسـون الحـراره بـمـقـياس .. .. .. ثمّ افرضوا ضريبة المال بالغـصـب ================================================== أشهـد ان الناس فيهـم نوع وضعـه وضـع مزري ..... ان عطيته وجه علّه وان تركته قال تكفا !! كيف؟ مادري! بس أنا لو كنت ابدري يمكن أدري ..... أدري ان النون والتاء ماترد الواو والفا وادري ان إبلـيس سايق تكـس والمسكـين كـبري ..... وادري ان اللي حفر لاخيه بالحفره تهلفا ================================================== وشـلـون أبنـسـى رمـيـةٍ صـوّبتني .. .. .. لا زلت ألاقي من سببـها بلاوي بين الضلوع الحدب يوم أضربتني .. .. .. قمت أعتزي عيّت تفيد العزاوي ================================================ |
|
|
|
|
 |
 |
 |
العرض الشجري