الشمس غابت

البارحه وسط جده والبحر هادي=والشمس غابت وأنا مستغرب ٍ منها
سبحان ربي خلق خلقه والعبادي=خلق نجوم السماء والشمس كونها
حبيت أوضح لكم صوره يالاجوادي=عبر الشعر شوفو الحربي يقارنها
الشمس خلي وخلي غايب وغادي=لاوالله إلا هواجيسي تعاينها
العطر والورد والريحان والكادي=تنبت لامن الهوى والشمس فيمنها
ياعنك غابت وأنا حدرتلي وادي=وادي به الناس تضحك من مجننها
والموج هذا صغير ماهو أبعادي=هاذي همومي وأنا بالشعر الحنها
وهذا الشفق شوف عيني ماله أمرادي=ياكود يبغى يطالع في محاسنها
القلب يشكي عذاب الحب وينادي=والعين هلت دموع ٍ من وجاينها
ياكيف أبنسى وليف ٍ بالهوى سادي=مدام قلبي تولع في زباينها
ماعاش منهو يشب النار بفوادي=أعز نفسي ولا أضحي وطمنها
ياشمس غيبي مدام ان القمر بادي=هذي نجوم السماء تفتن مزاينها
ياهل الشعر ماني بالشاعر وكدادي=شاعر يجيب العلوم اللي نلونها
البارحه وسط جده والبحر هادي=والشمس غابت وأنا عيني تعاينها