إهداء للغيادين: ياطيب موقف داخل الغيداني

ياطيب موقف داخل الغيداني=رد الثناء عن حرب للشهراني
رد الثناء داخل وكفّى و وفّى = ولا هو غريبٍ موقف كحيلاني
سوى احتفالٍ نومس القبيلة=من حد مشذوبه إلى عسفاني
عرض وفى الحربي بأجمل صورة=يمكن تخيل شكلها الأذهاني
وفاء وتكريم ومقام بواجب=ولا هوب في رد الثناء بلشاني
يوم السلولي بيض الله وجهه=أبدع بمدحت حرب بالقيفاني
ما ساقه إلا الصدق في كلامه=ما هو من اللي هرجهم مجاني
شاش أبو خالد واحتزم بحزامه=وعن واجبه ما طبق الأجفاني
حتى فعل له فعلٍ ايسجل له = سمع به القاصي وسمع الداني
إلا وتسمى بإسمٍ يناسب له=أصبح لأبو خالد كما العنواني
يقول خادم حرب وأنا أقوله=خدمة شرف يا معرب الجداني
خدمة شرف ومهمتك يالوافي= تصنع نياشينٍ لها وتيجاني
ويزينها صنعك وهي تزينه= يوم أنت في صنع الوفاء متفاني
يفداك من صنعه يفشل ربعه=ولا ياقف إلا بموقف الخذلاني
لعل جنسك بالقبيلة واجد=نكحل بهم نواظر العدواني
ونفرح بهم عين الرفيق ومثله=من جملة الأصحاب والصدقاني
ونرفع بهم رأسٍ يشوش بمثلك=ويصير دايم بالفخر ملياني
يا داخلٍ للطيب مع بيبانه=سَمَّاك ابوك ولا هو بندماني
متفاولٍ بإسمك ولا خيبته=لا هنت يالطيب وهو ما هاني
يا وارثٍ مجد الجدود الأول=يوم الجزيرة مسرح الفرساني
يشهد لهم بالحرب سيف وحربة=إلى التقى الجمعين بالميداني
وتشهد لهم بيض السلوم ويشهد=مقامهم للضيف والجيراني
أهل الحمية كان جاء موجبها=قلته ولا يخفاني البرهاني
وحنا وهم عينين رأسٍ واحد=على الوفاء من سالف الأزماني
ولا تحسب أن الشعر هذا مني =ما مني إلا القاف والأوزاني
هذا صدى والصوت فعل ذراعك=يملي علي من أجزل المعاني
وختامها لعل عمرك يسلم=وتبقى لنا يا وافي الأفناني
وأقبل سلام الشاعر البيضاني=منومسه موقفك يالغيداني

الله يعطيك الف عافيه

ماقصرت على هالطرح