( يابو عبيد الحق خويك نخيتك ) .......... مساجله

/
/
/
/
/
/
/
/
/
/
/
/
/
/


بدع الشاعر القدير / نايف بن صالح المالكي

يابو عبيد الحق خويّك نخيتك=خانه خليله وانقلب في ثواني
يابو عبيد الحق خويّك فديتك=نايف طريح الحال يشكي يعاني
تكفى رجيت الله ثم ٍ رجيتك=ياحسرتي من غدر خل ٍ اناني
لو صار ياخالد وشفتك لقيتك=تقول مو نايف بل انسان ثاني
لوني اختلف بتشوف لامن نصيتك=من بنت حوّا غدرها اللي بلاني
اعطيتها ماقلت لحظه عطيتك=رابي على الشيمات طول الزماني
راحت وقالت شوف آنا نسيتك=بالي انذهل ياخوك مما دهاني
من غدرها مجبور قلبي نخيتك=الحق علي ياخوك راحل تراني

/
/
/
/

رد الشاعر / خالد بن عبيد بن معتوق ألأحمدي

عيناك ياللي بالقصيده وحيتك=تزهم عليّه ياجزيل المعاني
ياالصاحب النقوّه بروحي حميتك=ومن عادتي ماخيّب اللي نخاني
ياصاحبي نايف ترى ماهقيتك=تشكي تقلّي سيد روحي جفاني
وانته عزيز ومدهل الطيب بيتك=خل الاناني ماهو كفو الحناني
شخص ٍ يعافك لاتقلّه هويتك=من شان ماتصبح على النفس جاني
ودامي مريض من الهوى ماشفيتك=جاني من اضرار الهوى ماكفاني
ولو للهوى رقّيا يانايف رقيتك=في ساعة ٍ تصبح من الودّ هاني
ولاتحسبني من كلامك نعيتك=لنّك عزيز ومن يضرّك يهاني