يا هاجسي

	المشاركة الأصلية كتبت بواسطة عبيد العمري

	يسعد اوقات الجميع بكل خير متواضعة ارجو ان تنال رضاكم يا هاجسي حلق على رؤس الأبراج=وخذ من بيوت الشعر كل رايع خلك نهر طول الدهر وأنت هداج=ولايهمك اللي يصنعون الذرايع لا يحجزك حاجز ولا يردك سياج=خلك مع أهل الأولة والطلا يع اللي لهم في ساحة المجد منهاج=وفيهم صفات الطيب دايم طبايع وأشعل دروب المعرفة نوروسراج=به يقتدي من كان تايه وضايع وترى الوفاء والطيب له نور وهاج=ومن يصنع المعروف له صيت ذايع والصدق لهل الصدق مدخل ومخراج=والصدق خله في رصيدك ودايع من قبل تدخل في متاهات وحراج=وتمشي مع الرديان مذعن وطايع وترى الردي معاد ينفع به أعلاج=قلبــه تـولـع بالــرديه ولايع مدام يمشي في طريقه بمعراج=ما يثمر المعروف به والصنايع واللي دوامٍ في قفا النـاس هراج=عسى يلوعه بين الأضلاع لايع ولا يطيب ماصا به من الوقت خلاج=دامه سلك درب الردى والخلايع ولا يعتلي شانه ولو حط له تاج= فعله بدا للكل واضح و شايع حتى ولو يلبس حريرو ديباج=مشية مخالف للسنن والشرايع وعليه لا هبت عواصيف وعجاج=تكشف حقائق ما فعل من بدا يع وشرب القراح يبدله شرب هماج=ويصير شربه من بقايا النقايع ويعيش باقي العمر هايم و دواج=ويموت في درب الردى والوضايع تحياتي للجميع

الله عليك يابومشاري وعلى الروعة في المبنى والمعنى والحقيقة لاغرابة

صح الله لسانك وأدام عزك وبيانك وجزالتك

سعدت بمروري عالشامخة واستمتعت بتصفحي

تقبل ودي واحترامي