عدوه من كيفنا ياحرب فنجالي

احب نجد العذيه وعشق احجازي=عندي سوات العيون بكل الاحوالي
الناس عندي سوا وحشام وعزازي=علمٍ نقوله عليه احط معدالي
ماني مع افلان والا افلان منحازي= واضح طريقي وعالي دوم منزالي
واحب من بالشجاعه والكرم فازي=صادق نوايا مكال بكم مكيالي
ماحبلي واحدٍ هماز لمازي=ماهمه الا النفاق وجمع الاموالي
بالطيبه من حياته مابعد فازي= عقرب ثرى من رباب القيل والقالي
من حاول يروزنا دخان مايرازي=ضلع ٍ عليه الدول في حرب وشكالي
عندي شهاده بها تقدير ممتازي= بالحلم والعلم والصفعه لمن عالي
رجال عند الخطاء بالمثل مايجازي=عدوه من كيفنا ياحرب فنجال
لاصار يشبه لصوره وسط بروازي=حرام يلبس شماغ ويلبس اعقالي
ماهمه الا السرا قدام تمازي=واكيد غير التميز يكون فوالي
اليا شبع لو نهيته يقعد اينازي= وعند الشدايد يصيبه خوف وهبالي
قصيدتي مابها ترميز والغازي=من واقع ايامنا سجلت الامثالي