على البحر

على البحر والشمس باقي لها شوي=عن الغياب وتختفي خلف الامـواج
قام البحر يصفق على اقدام رجلـي=كنه يقول العفو من بعض الازعـاج
وقام يتكسر فوق موج البحر ضـي=احلى من المنقوش من سلك ديبـاج
على هنوفٍ مشغـلٍ بالهـا الـزي=ما تصيف الاَ في جنيفـا وقرطـاج
من الحلى والتيـه والغنـج والغـي=مكتضه مـن الشانزليزيـه الادراج
قال البحر وش فيك قلت ايه وش في=تدري على شان الهوى فلة حجـاج
قال الهوى قلت الهوى ما وفى لـي=قال الغلا قلت الغـلا مالـه عـلاج
قال النتيجه قلت في خاطـري شـي=والاَ بلاش اسبب لنفسـي احـراج
غابت علي الشمس وانا ارجي الحي=يفرج لقلبٍ مايبي لسجنـه افـراج