قصيدة محمد الشهراني في حفل تكريم الشاعر/ لافي الغيداني

هذه القصيدة التي شاركت فيها في الحفل الذي أقاموه الغيادين من بنو عمرو من قبيلة حرب في مدينة دخنة بمناسبة مشاركة الشاعر الكبير/ لافي بن حمود الغيداني في مسابقة " سلامة سلطان " و حصوله على المركز الأول و لاهي غريبة على الشاعر الكبير/ لافي الغيداني و لاهي غريبة كذلك على شعراء حرب , و أهنيكم في شاعركم / لافي بن حمود الغيداني ياحرب فهو يستاهل كل كل خير و كل علمن غانم

يقول السلولي يوم غنا وبالـه طـرب=بعد وصل ديرة حرب من دار شهرانـي
سلامي على لافي سلام الوفا عن قـرب=سلامٍ يليـق بقـدر خطـلان الايمانـي
وعلى كل غيداني وساير قبائـل حـرب=هل الطيب والناموس من ماض الازماني
هل السيف وأهل الخيل ومفرجين الكرب=لاجا للرمـك عجـه وللملـح دخانـي
ومن جالهم تقدير من شرق ولا غـرب=وشمال وجنوب وكل من جالهم عانـي
وانا ماخلجني مثـل شعاركـم ياحـرب=شربتوا بحور الشعر في كـل ميدانـي
ليا قلت هذا الشاعر اللي شربها شـرب=طلع كل واحد منكم اعبر مـن الثانـي
لو الشعر يؤخذ كان قوم عليكم حـرب=على سالم ومسـرح سيـقن الاضعانـي
لو إن المحارب مايحصـل عليكـم درب=يعود عن الطمعات عايـف وخسرانـي
ملكتوا اللسان اليعربي والكلام الـذرب=مثل ماملك فـوق البسيطـة سليمانـي

و سلامتكم

أخوكم

الشاعر/ محمد بن عباد السلولي الشهراني