الزين زين الطبع يابنت الاعراب

نصيحه إلىبعض بنات المجتمع الاتي تعودنا على مشاهدتهن في الاسواق أتمنى أن تحوز على رضاكم

يابنت ياللي لابسه لبس جذاب= قدام خلق الله تباهين زينك
لاتحسبين إنك مليتيني إعجاب=ولا من اللي فالهوى عاشقينك
لاوالله ألا كل مافيك ينعاب=واقول خط الله بيني وبينك
لاانتي على مذهب ولاانتي على أداب=وان كان به شرهه على والدينك
متسفره وانتي على وجهك حجاب=لامحجبه خدك ولانون عينك
متعريه وانتي على جسمك ثياب=لامخفيه ردفك ولاعارضينك
والكحل ناقشته على حجر الاهداب=والنقش بالحنا معذب يدينك
لاتفهمي الدنيا بمفهوم كذاب=ترى العدا يابنت متكانفينك
الزين زين الطبع يابنت الاعراب=وليا تمسكتي بتعليم دينك
مثلك سوات الورد باهي وجذاب=كلن يبي نفحة عبيرك ولينك
لكن عيب الورد إليا أنلمس ذاب=وانتي سوات الورد لمسك يشينك
تمسكي بالدين واخذي بالاسباب=والله على درب الهدايه يعينك
لاتخدعك بعض المظاهر والاكذاب=سعادتك تكمن بتطبيق دينك