قين لحصان

اعزائي هذا مردي على الشاعر الغريب
والله يجعلني وفقت برضاه
وهي على هذا الرابط
http://www.m-harb.net/vb/showthread.php?t=6000

حي الكلام اللي وصل من اديبه=في مينت(ن)فيها ترس البوابير
روادها من كل يمه وصيبه=ذولي مسانديد(ن) وذولي محادير
شبعان واويه وجوعان ذيبه=وقت الحروب البارده عبر ألأثير
كم واحد(ن) فيها يخدمه نصيبه=لو حالته مع عالم الشعر تستير
وكم واحد(ن) لاقال محد(ن) يعيبه=يدحم بمعرفته بسوق الهوامير
ان وجهت يمه يلف النجيبه=يكسب رضا عتيبه ولا يزعل مطير
اضرب مثل يا هل القلوب اللبيبه=من حشمت الوافين يحشم مثيبير
حييت يامرسول من صوب طيبه=من عقب من يرون حدب البواتير
اهل المراجل بالاموار العصيبه=قطاعت الفرجه على كنس العير
فيها مدحني جعل ربي يثيبه=والله يجيره من تعايس زمهرير
وانا اعتبرها من تواضع وطيبه=أهديتها ليه ولاهنت يأمير
فواز فايز في جميع تأديبه=من دون لانقص في حقوق(ن) من الغير
والرجل تاخذه هالثقه مع صحيبه=مايعتبر من بين الاصحاب تمرير
رجل(ن) ثقه واحلف على سد غيبه=ماني مدقق في كلامه ولا مشير
والله يحي ماوصل مع نديبه=واختص نيبه بين كل الشواعير
يبغا زلال الكيف ماهو سريبه=يقطع ضرم راس الصطر والزعاطير
ويبشر بكيف(ن) صاحبه معتنيبه=ومقايس ابعاده بكل المعايير
حيث الهدف ماكل رامي يصيبه=منك ألتمس للعذر لا خطيت تبرير
الوضع يافواز يبحل طبيبه=آفت عصر لامعن بها العاقل يحير
من عادة النمام يشعب ركِيبه=لاشاف له ضول(ن) فزع يمه مغير
يفرح لاحصل على ناس ويبه=من شان لابرد وفك الازارير
يلقى مجال بواحد(ن) يستغيبه=ون قيل عين خير امرسبه السير
واللي مثل هذا ترفع وسيبه=ان كان طاولته نزلت بدحادير
والجاهل اللي بالسان يهذيبه=حاول تهدي فيه وتقول مايصير
احلم عليه وخل نفسك رحيبه=واليا فهمته فهمه دون تحذير
توجيه رجال(ن) على العز شيبه=ماجاة من يمه علوم(ن) معاشير
واللي شعم ناره بسد الجذيبه=كبير في عمره وفي عقله صغير
منت بجليس أله ولاني حسيبه=انته عشير الطيبين المناعير
خوذ الحذر من موقف(ن) تبتليبه=بعض المواقف تدبل الكبد وتثير
قين الحصان معدي(ن) عن سبيبه=رد اعتبار الحادثه دون تأخير
من جنب القانون جاز تأديبه=ردع الجزا يفاعل الذنب تكفير
والشجره اللي عرقها ترتويبه=متميزه بالفرق عن باقي الحير
ماواجهت في ماضي الوقت سيبه=حتى ندور عن طلبها المعاذير
دون الغصون وقوف روس(ن) منيبه=قدام غزوة هن بعوير وصوير
لويسمعون الذيب يزعج قنيبه=ضاقت بفرسانه وساع المعابير
اهل المحابا للخجز والعيبه=سهاجت الواجب قصار الاشابير

الشاعر غازي الزغيبي