سبحان خلاق العباد اجناس=ولافيه راس الا خلق من ساس
والراس دايم عزته من ساسه=وراس" بليا ساس ماهو راس
ما فيه طبع الاشبيه لمعدن=شفت المعادن في طبوع الناس
والفرق مابين الذهب والفضه=دنه ليا جاء اللازم الحساس
وقول الصحيح نفرقه عن كذبه=عذبا" فرات ومالح" نقراس
وراع الكرم واللي شحيحه نفسه=عد" غزير وعد دوم يباس
والفرق مابين الشرف والذله=فرق السماء عن صبخة" تنداس
كل" يغني قد عرفه قافه= ولافيه شي ألا وله مقياس
مابه رعد الا بعد براقه=ولا به بحر ألا، وله غطاس
والقصر مايعمر بلا عمدانه=والبنك مايترك بلا حراس
ولا فيه عقل الا يلاقي مثله=مطابقين الطبع والاحساس
الخبل ماتعجبه غير الخبله=ومن قدها تحسبه عقد الماس
وفذمتي يالزير سالم صيته=مايشتهر لولا ظفر جساس