اطنخ على كيفي

بسم الله الرحمن الرحيم

بعض العرب حظه اليا طاح ماقام=وبعض العرب حظه يطيح ويقومي
وحظي تعانده الليالي والأيام=وانا على بعض المواقف كتومي
يالله ياللي من ترجاك ما انضام=يالواحد اللي في عبيدك رحومي
تفرج لمنهو من عنا الوقت مانام=ماطاب نومي يوم كلن ينومي
عيني مطاولها سهرها من العام=كني على سهر الليال محكومي
لانام منهو ماتقزيه الأحلام=مغير اطالع مرقبات النجومي
واحسب حساباتٍ لها فروع واقسام=لكن تصبح في حساب الحلومي
مادام انا ممشاي قدام قدام=ودايم على الشده قويه اعزومي
اطنخ على كيفي وابو قرص مادام=والرزق عند اللي يسوق الغيومي
والعمر فاني لو تداريت الأسهام=ودوائر الدنيا علينا تحومي

وسلامتكم