صحيح القوم يا مضحي

جبل طارق=
سلام الله على الاقصى سلام الله على الدانـي =عدد ما هلت مزون السحايب مـن سحايبهـا
صحيح القوم يا مضحي بها صاحي ومرضاني =ولاكـن عايـب العربـان عايـب مايعيبهـا
مضحي بن جمران=
الا يامرحبا ترحيبتاً مـن قلـب ولسانـي = تخصك ثم تعم اهل الوفاء الحاضر وغايبها
تراء ماكل مايلمع ذهب من غالى الاثمانـي =وعساء الله لايحسد ابا النشايب من نشايبها
جبل طارق=
مقرالجود والترحيب لهل الجـود عنوانـي = سلوم ودل لك من ساس مانت اليوم كاسبها
مانجهل باالذهب والجوهر المضمون لاباني = عسا قدوت رجال العرف من واقع تجاربها
مضحي بن جمران=
لعلك ماتهون وطال عمـرك ياكحيلانـي = هل النهج السليم العز يكمن في مذاهبهـا
تنبه وافتني في ناس تجزي راع الاحساني = بسيه يالسنافي ليـش لاطالـة شواربهـا
جبل طارق=
كثير الناس يجزاء الطيب تال الوقت جحداني = وساعات اكثر العربان معكوسـه عقاربهـا
ومثلك يعرف المجني عليه ويعرف الجانـي = ولو منته بسايم سلعـت البايـر وجالبهـا
مضحي بن جمران=
بليس ومن يطيعه ياجبل غادي وخسراني = جنوده مايعيد في المعارك ليـن ينكبهـا
قليل العرف ماهو مقتنع لو قلت غلطاني = مدام اهل النصيحه قالب الطاسه يحاربها
جبل طارق=
عما عين العدو الي يطاوع كل شيطانـي = يوراله يزيل اهل المناصب عن مناصبهـا
ومن لا يقتنع يقنع بحد السيف شامانـي = وراه الي شبات السيف با العدوان خضبها
مضحي بن جمران=
عليهـم الله اكبـر ماتقدينـا بعميانـي = نظرنا للحرار اللي عطيبـاتٍ مضاربهـا
صحيح النمل يشقاء لانبت للنمل جنحاني = جناح النمله اللي شالها للموت جالبهـا
جبل طارق=
على نهج الامام المسلمين اصحاب وخواني = عدود الما يموت الاش غيض ولا يغثربهـا
كثير الي فنا والي بقا با المجتمـع فانـي = تضيق الارض في بعض المخاليق ابمناكبها
مضحي بن جمران=
هل التوحيد والسنه ولا بالصف علمانـي = مقومة الشريعه مانطيـع اللـي يعذربهـا
ماعاش اللي يخونك ياوطن ذربين الايماني = فدوك الشله اللي ماعرفنـا وش مأربهـا
جبل طارق=
يدوم العز لهل العز درع وظـل الاوطانـي=حرار والسعد والعـز والخيـر بمخالبهـا
على عهد الثقه لك با الوفا والطيب برهاني=وفا حرب العزيزه با العهد من طيب منسبها
مضحي بن جمران=
رجالٍ فعلهم بانـت براهينـه للاعيانـي=وفعلٍ ماينومس فاعلـه ماهـو يناسبهـا
رسو من دونها مثل الجبال اثقال الاوزاني=تنام عيون وعيونٍ لها تسهـر وترقبهـا
جبل طارق=
يزول الشك عن حكامنا الي شانهم شاني=ملوكن ماتهاب وكـل خلـق الله تهيبهـا
هل العوجا مقر العلم لـلاول ولاالثانـي=هل الطولات حاضرها وماضيها يشيد ابها
مضحي بن جمران=
نغيض بود قادتنا الحسود وكـل قومانـي=على روس الاعادي دونها نكسر مشاعبها
يدينا في يدين اللي لعـز المملكـه بانـي=ونرخص دونها النفس العزيزه مانشح أبها