يابن زعل شبت بقلبي حريقه

هذه الأبيات وجهتها إلى الشاعر الأخ الصديق فارس زعل العنزي حفظه الله وأبو ضيف الله من الرجال الذين تسند عليهم الشكوى بعد الله عز وجل

وقت اللزوم أعرف منهو صديقي = ووقت الرخا كل الرياجيل صدقان
رجال اميز وأفتهم وش طريقي= وأعرف طريقي دون زايد ونقصان
وأعرف عدوي ياعرب من رفيقي = ووزن كلامي قبل يطلع بميزان
يابن زعل شبت بقلبي حريقي = وذكرت رجل من رياجيل شجعان
فارس صديق القلب أعده شقيقي = من ربعة وقت اللوازم لهم شان
أشرح لكم وضعي كلام حقيقي = انا غريق وفوقي الموج طوفان
وقعت لي في ذنب وأزريت أفيقي = ذنب مبهذلني كبر ضلع ورقان
ولا أحد على صندوق قلبي يويقي = إلا أنت أبشرح لك عن الوضع يافلان
أخوكم الشاعر :سليم الجابري=