قصيدة للشاعر ضيف الله بن مطرب الفريدي في مدح الذوبه

--------------------------------------------------------------------------------
هذي الابيات للشاعر ضيف الله بن مطرب الفريدي الحربي يمدح فيها الامير هنـدي بن ناهـس واخوه
الامير فيحـان بن ناهـس ملك الباديه رحمهم اللـه جميعـآ

بديت ذكر الله على ذكـر النشيـد
منشي الغيـوم وعـازل ٍ ربانهـا

يا راكب ٍ حمـرا تشـوّد بالفديـد
مزعاج تجزع عند مـس بطانهـا

ركابها قـرم العيـال اللـي وليـد
يقرا الحروف وعـارف عنوانهـا

ملفاك هندي شوق من تزها الجديد
من ساس خيل مايكـم حصانهـا

ونعم بذوي فاجر منزحة الضديـد
ما اسبهـم والله عليـم بشانهـا

وفيحان حر ٍ من تحنس به يصيد
هدت حـرار ٍ صفقـت جنحانهـا

من فود مخلابه يفيـد ويستفيـد
ماهو خراص مير شوف اعيانهـا
ويكسّب الادنـى وعينـه للبعيـد
ويفرّح اللـي يحتـري باركانهـا

عقب ٍ لابوه معقّبـه مثـل وليـد
ان كان صفر الخيل جـا ميدانهـا

الله يسدد بـه لنـا ايـام العيـد
عسى القدر يبطي عنه باحيانهـا