قصيدة للشيخ محمد بن مقبل الذويبي يرحمه الله

قصيدة الشيخ محمد بن مقبل الذويبي يرحمه الله يسندها على الشيخ هندي بن ناهس الذويبي أمير بني عمرو وأمير الشبيكيه يرحمه الله

راكب الي كن عينه سنا نار=يطير من عينه سواة الشراره
من سر هجنٍ مايحكر بالاحكار=يعجب مهازيمه ويعجب مناره
مافوقه الا الكور وبدود الاوتار=وحبل يورع فيه تالي نهاره
اليا سرح من كبد مع شق الانوار=حط الخشيبي والشنانه يساره
تبين لك من ديرة لي لنا دار=الدرب بين اقذالها والزباره
اليا بينت ديرة بعيدين الاذكار=خطر قعودك يم قصر الاماره
وتشبلك نار تولع بالاحضار=وفنجال صينن مايقيس بهاره
ويجيك من ينشط على شبه النار=وكل يقول الاوله قبل جاره
ولابد من صينية زينة الطار=ومفطحن مابغوبه تجاره
سلم على هندي وخبر بالاخبار=الشايب الي كل راسه نعاره
ويومن مداة الليالي لهن كار=كد كيل بالميزان واوفا عياره
ومتعب هديب الشام زواي الاعمار=تفرح به اللي عديت عن حواره
وش عاد لو ينبت نوواير وازهار=مابيك ياعشبن نبت بالقواره

وتقبلوا مني تحياتي